Та вожвылъяськон Удмурт Элькунлэн «Этносоциальное развитие и гармонизация межэтнических отношений» но «Сохранение, изучение и развитие государственных языков Удмуртской Республики и иных языков народов Удмуртской Республики» кун программаосты быдэстон улсын ортчытэмын. Озьы ик, коммерциен герӟаськымтэ мерлык огазеяськонъёслэсь йӧскалык кусыпъёсты умоятонъя но экстремизмлэсь утиськон профилактикая удысъёсын нуэм ужъёссылы юрттэт сётыны но стимулировать карыны ӧръямын.

Вожвылъяськон ортчытӥське коммерциен герӟаськымтэ огазеяськонъёслы ӵектосъёсты, ужрадъёсты быдэстонлы но кун йӧскалык политика удысъя ортчись улоскупсо ужрадъёсы пыриськон понна коньдон сётон радлыкъя, кудӥз Удмурт Элькун Кивалтэтлэн 157-тӥ номеро пуктэт-постановлениеныз (27-тӥ оштолэзь 2018-тӥ ар) юнматэмын.

Вожвылъяськон таӵе номинациосын радъяськиз:

1) Россиякуспо кунмурт идентичностез кылдытонлы но кун шулдыръяськонъёслы сӥзем СОНКО нимысьтыз ужрадъёслы субсидия сётон (одӥг ӵектослы курем коньдон 50 000 манетлэсь тросгес луыны кулэ ӧвӧл, проектъёсты быдэстыны кулэ 2023-тӥ аре куартолэзь – шуркынмон толэзьёс куспын)

2) нылпиослы но егитъёслы патриотизмо мылкыд пыӵатонлы, Быдӟым Атыкай тыложын ожмаськем пӧртэм калыкъем батыръёслэсь истори эскертэтсэз дышетон понна тунсыксэс, шаерысьтымы геройлыко учыръёсты гажанзэс ӝутонлы сӥзем СОНКО ӵектосъёслы субсидия сётон (одӥг ӵектослы курем коньдон 350 000 манетлэсь тросгес луыны кулэ ӧвӧл, проектъёсты улонэ пыӵатыны кулэ 2023-тӥ аре южтолэзь-гудырикошкон толэзьёс куспын)

3) Россия Федерациысь кун ӟуч кылэз утёнлы но азинтонлы сӥзем СОНКО ӵектосъёслы субсидия сётон (одӥг ӵектослы курем коньдон 222 000 манетлэсь тросгес луыны кулэ ӧвӧл, проектъёсты быдэстыны кулэ 2023-тӥ аре южтолэзь-толсур толэзьёс куспын)

4) Патриотизмо ӵектосъёслы (акциослы), кудъёсыз терроризмен нюръяськон Нуналлы, егитъёслэсь граждан мылкыдзэс кужмоятон улсын терроризмлы но экстремизмлы пумит сӥземын (одӥг ӵектослы курем коньдон 79 400 рублей манетлэсь тросгес луыны кулэ ӧвӧл, проектъёсты быдэстыны кулэ 2023-тӥ аре толшор-инвожо толэзьёс куспын)

5) Россиысь калыкъёслэсь сям-йылолъёссэс, лулчебертсэс, аспӧртэмлыксэс утёнлы но азинтонлы сӥзем СОНКО ӵектосъёслы (лагерной сменаослы) субсидия сётон (одӥг ӵектослы курем коньдон 300 000 манетлэсь тросгес луыны кулэ ӧвӧл, проектъёсты улонэ пыӵатыны кулэ 2023-тӥ аре южтолэзьпӧсьтолэзь толэзьёс куспын).

6) Россиысь калыкъёслэсь сям-йылолъёссэс, лулчебертссэс, аспӧртэмлыксэс утёнлы но азинтонлы сӥзем СОНКО ӵектосъёслы (егитъёслы сӥзем этнокультурной интеллектуал шудонъёслы) субсидия сётон (одӥг ӵектослы курем коньдон 600 000 манетлэсь тросгес луыны кулэ ӧвӧл, проектъёсты быдэстыны кулэ 2023-тӥ аре куарусён-толсур толэзьёс куспын).

Вожвылъяськонлэн йылпумъянъёсыныз но ӧрилэн протоколэныз тодматскыны луоз Министерстволэн вотэсбамаз Конкурсное распределение субсидий в 2023 году люкетын.

Ватсам ивортодэт таӵе номеръя шедьтыны луэ: 68-77-98 (доб. 140) – Александр Юрьевич Корепанов, 68-69-66 (доб. 130) – Анна Александровна Гордина.