Та вожвылъяськон Удмурт Элькунлэн «Этносоциальное развитие и гармонизация межэтнических отношений» кун программаез быдэстон улсын ортчытэмын но коммерциен герӟаськымтэ мерлык огазеяськонъёслэсь йӧскалык кусыпъёсты умоятонъя но экстремизмлэсь утиськон профилактикая удысъёсын нуэм ужъёссылы юрттэт сётыны но стимулировать карыны ӧръямын.

Вожвылъяськон ортчытӥське коммерциен герӟаськымтэ огазеяськонъёслы ӵектосъёсты, ужрадъёсты быдэстонлы но кун йӧскалык политика удысъя ортчись улоскупсо ужрадъёсы пыриськон понна коньдон сётон радлыкъя, кудӥз Удмурт Элькун Кивалтэтлэн 157-тӥ номеро пуктэт-постановлениеныз (27-тӥ оштолэзь 2018-тӥ ар) юнматэмын.

Вожвылъяськон таӵе номинациосын радъяськиз:

1. Россиякуспо кунмурт идентичностез кылдытонлы но кун шулдыръяськонъёслы сӥзем СОНКО нимысьтыз ужрадъёслы субсидия сётон (одӥг ӵектослы курем коньдон 42 300 манетлэсь тросгес луыны кулэ ӧвӧл, проектъёсты быдэстыны кулэ 2023-тӥ аре шуркынмон толэзёзь)
2. Россия Федерациысь кун ӟуч кылэз утёнлы но азинтонлы сӥзем СОНКО ӵектосъёслы субсидия сётон (одӥг ӵектослы курем коньдон 37 300 манетлэсь тросгес луыны кулэ ӧвӧл, проектъёсты быдэстыны кулэ 2023-тӥ аре инвожо-гудырикошкон толэзьёс куспын)
3. Патриотизмо ӵектосъёслы (акциослы), кудъёсыз терроризмен нюръяськон Нуналлы, егитъёслэсь граждан мылкыдзэс кужмоятон улсын терроризмлы но экстремизмлы пумит сӥземын (одӥг ӵектослы курем коньдон 79 400 манетлэсь тросгес луыны кулэ ӧвӧл, проектъёсты быдэстыны кулэ 2023-тӥ аре куарусён толэзёзь)
4. Россиысь калыкъёслэсь сям-йылолъёссэс, лулчебертсэс, аспӧртэмлыксэс утёнлы но азинтонлы сӥзем СОНКО ӵектосъёслы (лагерной сменаослы) субсидия сётон (одӥг ӵектослы курем коньдон 100 000 манетлэсь тросгес луыны кулэ ӧвӧл, проектъёсты улонэ пыӵатыны кулэ 2023-тӥ аре инвожо-куарусён толэзьёс куспын).

Вожвылъяськонлэн йылпумъянъёсыныз но ӧрилэн протоколэныз тодматскыны луоз Министерстволэн вотэсбамаз «Конкурсное распределение субсидий в 2023 году» люкетын.

Ватсам ивортодэт таӵе номеръя шедьтыны луэ: 68-77-98 (доб. 140) – Александр Юрьевич Корепанов, 68-69-66 (доб. 130) – Анна Александровна Гордина.