Та вожвылъяськон Удмурт Элькунлэн «Удмурт Элькунысь кун кылъёсты но Удмурт Элькунысь мукет калыкъёслэсь кылъёссэс утён, дышетон но азинтон» кун программаез быдэстон улсын ортчытэмын но коммерциен герӟаськымтэ мерлык огазеяськонъёслэсь йӧскалык кусыпъёсты умоятонъя но экстремизмлэсь, терроризмлэсь утиськон профилактикая удысъёсын нуэм ужъёссылы юрттэт сётыны но стимулировать карыны ӧръямын.

Вожвылъяськон ортчытӥське коммерциен герӟаськымтэ огазеяськонъёслы ӵектосъёсты, ужрадъёсты быдэстонлы но кун йӧскалык политика удысъя ортчись улоскупсо ужрадъёсы пыриськон понна коньдон сётон радлыкъя, кудӥз Удмурт Элькун Кивалтэтлэн 157-тӥ номеро пуктэт-постановлениеныз (27-тӥ оштолэзь 2018-тӥ ар) юнматэмын.

Вожвылъяськон таӵе номинациен радъяськиз:

СОНКО ӵектосъёсты улонэ пыӵатонъя субсидия сётон, кудъёсыз Удмурт Элькунысь кун кылъёсты но Удмуртиын улӥсь мукет калыкъёслэсь кылъёссэс утён но азинтон понна чакламын, кыл ресуръёсты лыдпус амалэн огъя йӧскалык вотэс-порталэ пыртонлы сӥземын (одӥг ӵектослы курем коньдон 1 200 000 манетлэсь тросгес луыны кулэ ӧвӧл, проектъёсты быдэстыны кулэ 2024-тӥ аре коньывуон-толсур куспын).

Вожвылъяськонлэн йылпумъянъёсыныз но ӧрилэн протоколэныз тодматскыны луоз Министерстволэн вотэсбамаз «Конкурсное распределение субсидий в 2024 году» люкетын.

Ватсам ивортодэт таӵе номеръя шедьтыны луэ: 68-77-98 (доб. 140) – Александр Юрьевич Корепанов, 68-69-66 (доб. 130) – Анна Александровна Гордина.