Россиысь Минюст дасяз коммерциен герӟаськымтэ огазеяськонъёслы выль выльтус (контур) – кун регистраци ортчон понна «Единый портал государственных и муниципальных услуг» юрттэмен.

Коммерциен герӟаськымтэ огазеяськонъёслэн электрон амалэн кун регистраци ортчонзылэн умой палъёсыз:

• вазиськись быгатэ ужкагазъёссэ лэзьыны котькыӵе вакытэ но котькыӵе интыысен;
• вазиськись котькуд дыре тодыны быгатэ, кыӵе эскерон югдурын но кыӵе этапын солэн вазиськонэз, ӝоген-а со быдэсак эскеремын луоз;
• вазиськись кун вузвыт уг тыры;
• заявленилы нотариальной зэматон кулэ ӧвӧл;
• регистрация вакчи дыр куспын ортче (коммерциен герӟаськымтэ аскивалтӥсь огазеяськонъёслы, фондъёслы, нимысьтыз ужъюртъёслы, ассоциациослы, казак огазеяськонъёслы).

Коммерциен герӟаськымтэ огазеяськонъёслэн кун регистрациез ортчонзы сярысь консультаци басьтыны луэ Удмурт Элькунъя коммерциен герӟаськымтэ огазеськонъёслэн Минюстысьтыз ужасьёслэсь таӵе номеръя 8 (3412) 57-04-23 (доб. 311, 312, 313). Яке лыктыны таӵе адресъя: 426003, Удмурт Элькун, Ижкар к., Карл Маркс ур., 130-тӥ юрт, 607, 614, 615 каб.