Та акция асьме элькунын куинетӥ пол радъяське ни. Валтӥсь ужпумез – секыт висёнэн висись нылпиослы юрттон.

Таяз аре акция быдэс элькунэ вӧлмемын но 21-тӥ шуркынмонысен 18-тӥ толсурозь кыстӥськоз.

Со сяна, акцие элькунысь вӧсьбур (религиозной) огазеяськонъёсысь огмуртъёс нырысьсэ пыриськизы.

Котькудӥз сямен ужрад этапъёслы люкиське:

1-тӥ этап – 21-тӥ шуркынмонысен 1-тӥ толсурозь

Элькунысь дышетон ужъюртъёсын «Уроки милосердия» нимо урокъёс ортчо. Отын нылпиос тӧдьы сяськаос но мукет киужъёс лэсьто.

2-тӥ этап – 7-11-тӥ толсур

Та этапын волонтёръёс киужъёсын калык пӧлы пото, акция сярысь но оглом ӟечлэсьтон сярысь верасько. Озьы ик, коньдонэн юрттӥськон понна киужез басьтыны ӵекто.

Ижкарын та этап вить вузкаронъя центрын радъяськоз:

«КИТ» ВЦ (Ленин ур.,138-тӥ юрт)

«Талисман» ВЦ (Холмогоров ур., 11-тӥ юрт)

«Петровский» ВЦ (Петров ур., 29-тӥ юрт)

«Мол-Матрица» ВЦ (Баранова ур., 87-тӥ юрт)

«Флагман» ВЦ (Удмуртской ур., 255б юрт)

Муниципал округъёсын, акциез ортчытон понна, асьсэлы инты быръёно луоз.

Озьы ик, коньдонэн юрттӥськон понна киужъёсты басьтыны луоз 7-11-тӥ толсуре Ижкарысь Михаило-Архангельской кафедральной соборын.

18-тӥ толсуре Калыкъёслэн эшъяськон юртазы ужрадлэн йылпумъянъёсыз лэсьтэмын луозы. Отчы Удмурт шаерысь коллективъёс пыриськозы.

Со сяна, дышетон ужъюртъёсын «Что такое Милосердие?» эссеосъя вожвылъяськон ортче.

Пыр-почгес вотэсбамын udmbeliycvetok.ru