2016-тӥ арын 12-тӥ тулыспалэ Калыкъёслэн Эшъяськон юртазы Кун думаысь йӧскалык ужпумъёсъя комитет «Россия Федерацилэсь 2025-тӥ арозь кутэм йӧскалык политикая стратегизэ Россия Федерацилэн улосъёсаз, кылсярысь, Удмурт Элькунын быдэстон» темалы сӥзем заседание ортчытоз.

Ужрадэ пыриськозы Удмурт Элькунлэн Тӧроез А.В. Соловьёв, Удмурт Элькунысь Кун Кенешлэн Тӧроез В.П. Невострув, Удмурт Элькун Тӧролэн Россия Федерацилэн Президентэз бордысь яланлыко быръем адямиез – Удмурт Элькун Кивалтэт Тӧролэн воштӥсез, Огъя Россиысь «Россиысь калыкъёслэн ассамблеязы» мерлыко огазеяськонлэн кивалтӥсез С.К. Смирнова, Удмурт Элькунысь йӧскалык политикая министр Л.Н. Буранова.

Озьы ик кенеше вуозы Сафаралиев Гаджимет Керимович, Кун думаысь йӧскалык ужпумъёсъя комитетлэн Тӧроез, Старшинов Михаил Евгеньевич, Кун думаысь йӧскалык ужпумъёсъя комитетлэн Тӧроезлэн нырысетӥ воштӥсез, Белых Ирина Викторовна, Кун думаысь йӧскалык ужпумъёсъя комитетлэн Тӧроезлэн воштӥсез, Йӧскалык ужпумъёсъя федерал агентстволэн ёзчиосыз.

Элькунысьтымы заседанилэн ужаз пыриськозы Удмурт Элькунысь Кун Кенешлэн Президиумезлэн, Удмурт Элькунлэн Тӧроез бордысь йӧскалык политикая но осконэн герӟаськем юанъёсъя мерлыко кенешлэн, Удмурт Элькунысь йӧскалык политикая министерстволэн Коллегиезлэн, муниципал кылдытэтъёслэн тӧроссы бордысь координационной кенешъёслэн, мерлыко огазеяськонъёслэн ёзчиоссы, Историяя, кылъя но литературая удмурт институтысь этнополитика удысысь туала процессъёсты но йӧскалык кусыпъёсты эскерись центрлэн ӧнерчиосыз.

Заседаниын чакламын Удмурт Элькунын йӧскалык политикаез котыр ласянь эскерыны, мерлыко огазеяськонъёслэн, ужъюртъёслэн но удысэтъёслэн улосын калыкъёс куспын тупаса улон радъянын интызэс сэрттон-пэртчон, та удысысь азинлыко ӵектосъёсын тодматыны.

Туспуктэмын: Кун думаысь йӧскалык ужпумъёсъя комитетлэн Тороез Гаджимет Керимович Сафаралиев