Отчы пыриськисьёс 18–35 аресъем егит ӧнерчиос вал.

Форумлэн азьмугез – егитъёслы йӧскалыкъёс но религиос вискысь кусыпъёсъя, кунпуш политикая но мер ужъёсъя удысъёсын удысужлыко азинскон но экспертъя юрттэт сётон.

Та форумын Удмурт Элькунлэсь данзэ утиз Татьяна Пудова, «Шунды» огазеяськонлэн но «Куара» ресурной центрлэн азветлӥсез. Солэн верамезъя, ужрад туж пайдаё вал: «Тунсыко вал йӧскалык политикая кысык тенденциосын тодматскыны, асьме странаысьтымы пӧртэм калыкъёслэн егитъёсынызы кенешыны».

Озьы ик Татьяна Удмурт Элькунын удмурт кылэз утёнъя но азинтонъя темалы доклад лыдӟиз. Тодэ вайытӥськом, форум 25–29-тӥ коньывуонэ Москваын ортчиз. Оглом Россия Федерациысь 65 улосвылъёс пыриськизы.