Ужрадлэн валтӥсь ужпумез: муниципал кылдытэтъёслэн УЭ-ысь Миннацлэн уженыз, Кун йӧскалык политикалэн Стратегиезлэн ужпумъёсыныз тодматскон, дышетон семинаръёс, тематической но проектной секциос ортчытон, министрен нимаз пумиськон.

Туннэ «Миннацлэн нуналэз» Яр ёросын ортчиз. Ужрадэ пыриськизы Яр ёросысь администрация, дышетӥсьёс но визьнодасьёс, йӧскалык-лулчеберет огазеяськонъёсысь усточиос но трос мукетъёсыз. Пыриськисьёслы дасямын вал тематической секциос.

Докладэныз тодматӥз Ольга Меркушева, Удмурт Элькунысь Тӧролэн но Кивалтэтлэн Администрациезлэн терроризмлы пумит ужез радъянъя ёзэтлэн кивалтӥсез. «Школа – кроха» нылпи будэтонъя Центрлэн кивалтӥсез Ольга Зосимова дышетӥсьёслы но анай-атайёслы «Кибербобер» проект возьматӥз, та ужрад нылпиосты ивортодэт удысысь кышкытлыкъёслэсь утиськонлы сӥземын вал.

Коммерциен герӟаськымтэ огазеяськонъёсысь огмуртъёслы ӵектос заявкаосты сэртон-пертчонъя семинар ортчытэмын. Секциез нуиз Лариса Князева, Калыкъёслэн эшъяськон юртысьтызы ужась но та удысъя ӧнерчи.

Администрацилы ёросын йӧскалык кусыпъёсты эскеронэз радъянъя но этноконфессиональной паспортэз дасянъя валэктон сётэмын вал. Та юанэз сэрттыны-пертчыны юрттӥз Сергей Огородников, УЭ-ысь Йӧскалык политикая министерствоысь ужась.

Со сяна, Эдуард Петров, УЭ-ысь Йӧскалык политикая министр кунмуртъёсын нимысьтыз пумиськон ортчытӥз. Эдуар Степанович улӥсьёсын вераськиз но сюлмаськытӥсь юанъёслы валэктон сётӥз. Эдуард Петров вераз: «Йӧскалык политикая министерстволэсь тужгес но умой сям-йылолъёссэ улӟытыса, «Миннацлэн нуналэз» ужрад муниципал кылдытэтъёсын одно ик азьланьтӥськоз.