Удмурт Элькунысь йӧскалык политикая министерство кунмуртъёсын пумиськон ортчытон сярысь ивортэ.

12-тӥ толсуре 2018-тӥ аре, Россия Федерацилэн Кункатэзлэн нуналаз, 12.00 часысен 20.00 часозь (интыысь дыръя) Удмурт Элькунысь йӧскалык политикая министерствоын кунмуртъёсын пумиськон радъяськоз.

Удмурт Элькунысь йӧскалык политикая министерстволэн инлыказ пырись юанъёс:

– Россия Федерациысь улосъёсын кылъёсты кутон но утён. Россия Федерацилэн кун кылыз;

– Россия Федерациысь улосъёсын кылъёсты кутон но утён. Россия Федерацие пырись элькунъёслэн кун кылъёссы;

-ичи лыдъем выжы калыкъёслэн эрикрадзы;

– йӧслыкез бырйыны эрикрад;

– йӧскалык политика но йӧскалык кусыпъёс;

-казакъёс;

– мерлыко огазеяськонъёс;

– коммерциен герӟаськымтэ мерлыко огазеяськонъёс;

– Россиысь калыкъёслэн йӧскалык лулчеберет кылёсбурзы;

– пӧртэм конфесси кусыпъёс;

– мигрантъёсты интыысь мер нно лулчеберет улонлы дышыны юрттон.

Пумиськонэ азьпаласен гожтӥськыны луэ Удмурт Элькунысь йӧскалык политикая министерствоын (Ижкар к., Орджоникидзе ур., 33 б) 9.00-17.00 часъёсы яке 68-53-55 телефонъя.

Пумиськонэ пырон понна одно ик кулэ луоз паспорт.