17-тӥ тлсуре 2015-тӥ аре Калыкъёслэн Эшъяськон юртазы Удмурт нылкышно кенеш Удмурт Элькунысь йӧскалык политикая министерстволэн но «Удмурт кенеш» ассоциацилэн, Калыкъёслэн Эшъяськон юртсылэн юрттэмзы улсын «Удмурт мерлыко огазеяськонъёслэн дышетон ужъюртъёсын, муниципал кылдытэтъёслэн администрациосынызы удмурт кылэз азинтон но утён вылысь кусыпъёс радъянзы» нимо семинар ортчытэ.

Семинар йылпумъя ӵектосэз, кудӥз вормисе потӥз Удмурт Элькунысь йӧскалык политикая министерствоен 2014-тӥ арын ялэм вожвылъяськонын.

Ӵектослэн валтӥсь ужпумъёсыз – удмурт мерлыко огазеяськонъёслэсь удмурт кылэз азинтонын кужымзэс огазеян, удмурт кылэз дышетонэз радъяны юрттон, семьялэн улоназ удмурт кыллэсь кулэлыксэ будэтон.

Ужрадэ пыриськозы 4 муниципал кылдытэтъёс: Пичи Прга, Ижкар, Кияса ёрос, Хохряки. Быдэс ар ӵоже та муниципал кылдытэтъёс нимысьтыз уж нуизы анай-атайёсын, дышетон ужъюртъёслэн кивалтӥсьёсынызы но ӧнерчиосынызы. Калыкъёслэн Эшъяськон юртазы та быдэстэм ужзылы йылпумъянъёс лэсьтозы.