17-тӥ толсуре 2016-тӥ арын Калыкъёслэн Эшъяськон юртазы (Ижкар, Орджоникидзе урам, 33 а юрт) ужаны кутскоз Кыккылолыкъя VI-тӥ семинар.
Семинарлэн темаез – “Анай кылын вераськись нылпилэсь быгатонлыкъёссэ азинтон”. Семинар шутэтскон нуналэ радъяськись школа форматэн ужалоз.
Семинаре ӧтиськомы удмурт кылын вераськись анай-атайёсты нылпиосынызы ӵош (нылпи садэ яке 1-2-тӥ классэ ветлӥсьёссэ).
Кутскон дырыз: 11.00 часэ (регистрация – 10.30 часысен).
Кыстӥськемез: 1,5-2 час ӵоже (дэмласькомы пиналъёстылы воштон пыдкутчан кутыны).
Семинарез радъясьёс: «Билингва» кыккылолыкъя удмурт центр
Анай кыллы дышетӥсьёслэн «Выжы» Ассоциацизы
«Калыкъёслэн Эшъяськон юртсы» Удмурт Элькунысь коньдэтэн возиськись ужъюрт
Удмурт Элькунысь йӧскалык политикая министерстволэн юрттэмезъя.
Семинарлэн ужан радлыкез:
10.30 ‒ 11.55 ‒ семинаре вуэмъёсты пусъён;
11.00 ‒ 11.15 ‒ семинарлэсь ужзэ кутскон, темая вераськон-кенешон;
11.15 ‒ 11.30 ‒ нылпилэсь саклыксэ, мышленизэ но логиказэ азинтонъя занятие;
11.35 ‒ 11.50 ‒ творческой быгатонлыкез азинтонъя занятие;
11.55 ‒ 12.10 ‒ «Шара лыдӟонъёс» (кылэз волятон);
12.15 ‒ 12.30 ‒ крезьгуръя занятие;
12.35 ‒ 12.50 ‒ Тол Бабаен но Лымынылэн шудон но эктон.

Ивор кутэмын: : https://udm.udmbilingva.ru
Туспуктэмез Ангелина Снигирёвалэн