Ӧтиськом тӥледыз кыккылолыкъя кыкетӥ семинаре. Семинар ортчоз 27-тӥ тулыспалэ 2016-тӥ арын Кузебай Герд нимо удмурт кун йӧскалык гимназиын (Ижкар, Петров урам, 19-тӥ юрт).

Семинар кутскоз 11.00 часэ (регистрация кутскоз 10.30 часысен).

Семинарез радъясьёс:

Удмурт Элькунысь йӧскалык политикая министерство,

Ивортодэтъя но дышетонъя «Этноресурс» центр,

«Билингва» кыккылолыкъя удмурт центр,

Кузебай Герд нимо удмурт кун йӧскалык гимназия.

Семинаре пыриськыны ӧтиськомы удмурт кылын тунсыкъяськись анай-атайёсты нылпиосынызы ӵош (нылпи садэ яке 1-2-тӥ классэ ветлӥсьёссэ).

Семинар кыстӥськоз 2,5 час ӵоже (дэмласькомы пиналъёстылы воштон пыдкутчан кутыны).

Семинар ортчон вакытэ «Удмуртия» книгапоттонни удмурт книгаосын но шудонъёсын вузкароз.

Кыккылолыкъя кыкетӥ семинарлэн ужан радлыкез

Семинарез радъясьёс:

Удмурт Элькунысь йӧскалык политикая министерство,

Ивортодэтъя но дышетонъя «Этноресурс» центр,

«Билингва» кыккылолыкъя удмурт центр

Кузебай Герд нимо удмурт кун йӧскалык гимназия.

Семинар ортчоз: 27-тӥ тулыспалэ 2016-тӥ арын

Кутскон дырыз: 11.00 ч.

Семинаре пыриськисьёс: удмурт кылын тунсыкъяськись анай-атайёс, нылпи садэ (5-6 аресъем) яке 1-2-тӥ классэ ветлӥсь пиналъёс

Ортчон интыез: Кузебай Герд нимо удмурт кун йӧскалык гимназия (Петров урам, 19-тӥ юрт)

Семинарез ортчытон мугъёс:

‒ кыккылолыко пиналлэн азинскемезлэн аспӧртэмлыкъёсыныз тодматскон;

‒ кыккыло пиналъёсты будэтӥсь анай-атайёслэн юанъёссылы пӧртэм ӧнерчиосын (логопедъёсын, психологъёсын, удмурт кылъя дышетӥсьёсын, тодосчиосын) валэктон сётон;

‒ анай-атайёслы но соослэн нылпиоссылы интерактивной площадка кылдытон.

Ужан радлык:

10.30 – 10.55. Семинаре пыриськисьёсты пусъён (фойе, 1-тӥ этаж)

11.00 – 11.10. Семинарез усьтон (ужрад ортчытон бӧлет, 2-тӥ этаж)

11.10 – 12.50. Анай-атайёс но нылпиос понна чаклам интерактивной площадкаослэн ужамзы

Анай-атайёслы площадка (ужрад ортчытон бӧлет, 2-тӥ этаж):

11.10 – 11.40. Кыккыло пиналлэн кылсӧзнэтэзлэн азинскемез, Кондратьева Наталья Владимировна, филологи тодосъёсъя доктор, профессор, Удмурт кун университет

11.45 – 12.15. Пиналлэсь удмурт кылын вераськыны мылкыдзэ пуромытон. Кудрявцева Татьяна Витальевна, логопед но психолог, Кузебай Герд нимо удмурт кун йӧскалык гимназия

12.20 – 13.00. Ӧнерчиосын пумиськон.

Нылпиослы площадкаос:

11.10 – 12.50. «Эх, шу, жингыр шу!» фольклоръя площадка (116-тӥ каб., 1-тӥ этаж)

Перевозчикова Ольга Владимировна, ватсаса тодон-валан сётонъя ёзэтысь ӧнерчи, Кузебай Герд нимо удмурт кун йӧскалык гимназия

11.10 – 12.50. «Паймымон сӥньысъёс» киужъёсъя мастерской (115-тӥ каб., 1-тӥ этаж)

Андреева Елена Максимовна, ватсаса тодон-валан сётонъя ёзэтысь ӧнерчи, Кузебай Герд нимо удмурт кун йӧскалык гимназия

11.10 – 12.50. «Шудыса дышетскиськом» шудонкуа (110-тӥ каб., 2-тӥ этаж)

Широбокова Валентина Григорьевна, Кузебай Герд нимо удмурт кун йӧскалык гимназиысь удмурт кылъя дышетӥсь; Юшкова Людмила Аркадьевна, Кузебай Герд нимо удмурт кун йӧскалык гимназиысь покчи школаын дышетӥсь;

12.55 ‒ 13.25. «Ум люкиське, ум люкиське…». Анай-атайёслэн но нылпиослэн шудон площадказы. Ческыт кузьымъёс. Семинарез йылпумъян.