6-тӥ инвожое Калыкъёслэн эшъяськон юртазы Финн-угор егитъёслэн ассоциацизылэн кенешез радын «Ревитализация удмуртского языка: опыт и перспективы» (Удмурт кылэз улӟытон: лэсьтэм ужъёс но азьпалан азинскыны луонлыкъёс) котырес ӝӧк ортчоз. Ужрад кутскоз 13.00 часэ.

Котырес ӝӧклэн ужаз пыриськозы Удмурт Элькунысь йӧскалык политикая министрлэсь ужзэ быдэсъясь Л.Н. Буранова, Калыкъёслэн эшъяськон юртсылэн директорез А.В Шуклин, Финн-угор егитъёслэн ассоциацизылэн президентэз Сампса Холопайнен.

Удмурт кылэз азинтон сярысь малпанъёсынызы, солы сӥзем ӵектонъёсынызы, тодматозы удмурт егитъёслэн «Шунды» мерлыко огазеяськонлэн ёзчиосыз, удмурт йӧскалык модая «MADEMOISELLE OUDMOURTE» агентство, удмурт кылэз но лулчеберетэз азинтонъя «Удмурлык» огазеяськон, дизайнер Полина Кубиста.

Котырес ӝöклэсь ужзэ радъян бордын тырше удмурт егитъёслэн «Шунды» мерлыко огазеяськонзы Удмурт Элькунысь йӧскалык политикая министерстволэн но Калыкъёслэн эшъяськон юртсылэн юрттэменыз сэрен.

Ватсаса ивортодэт басьтыны луоз таӵе телефонъя: (3412) 63-10-44 – Ольга Алексеевна Тронина, «Шунды» мерлыко огазеяськонлэн кивалтӥсез, Калыкъёслэн эшъяськон юртысьтызы методист.