18-19-тӥ толшое Эгра каргуртысь Калык Эшъяськон юртын «Вера но возьматэ Лӧпшо Педунь» дышетон-шутэтскон программа радъяськоз. Пыриськозы ужрадэ покчи классъёсын дышетскисьёс.

Удмурт калык выжыкылъёсысь герой – Лопшо Педунь – пиналъёслы вералоз кызьы вазен Йӧ вылэ султонэз пусйизы. Нош пӧртмаськисьёс нылпиосын «Небыльток» шудонэн шудозы. Со сяна дышетскисьёс тодматскозы тунаськонъёсын.

Эгра каргуртысь Калык Эшъяськон юртысь ӧнерчиос «Вера но возьматэ Лӧпшо Педунь» шудонэз сизьыметӥзэ радъяло ини. Татын шудон пыр пиналъёсты тодмато калык осконъёсын, сям-йылолъёсын. Ужрадэз ортчытыны юртто ӟуч, удмурт, бигер мерлыко огазеяськонъёслэн ёзчиоссы. .

Ужрадэз ортчытэ Эгра каргуртысь Калык Эшъяськон юрт.