Быдэс Россиысь сукыръёслэн мерлыко огазеяськонзылэн Ижкарысь ёзэтэзлэн кибашлыосыз 27-тӥ куартолэзе мынозы Глазкаре. Татын соос ляб адӟисьёслы ортчытозы мастер-классъёс. Ужрад ортче «Поликультурное пространство – расширение возможностей инвалидов по зрению УР» ӵектосэз быдэстон улсын.

Люкаськем калыклэн таӵе мастер-классъёсы пыриськыны луонлыксы луоз:

– бисерлэсь киужъёс лэсьтон;

– крючекен керттӥськон;

– мунё лэсьтон;

– кулэтэм арбериослэсь выль чеберлыко арбери лэсьтон;

– ляб адӟись пиналъёслы лэсьтэм «шуныт книгаен» тодматон.

Ужрадэз ортчытонэ пырисько Удмурт Элькунысь йöскалык политикая министерствоысь, суредаськонъя элькун музейысь öнерчиос, нылкышноослэн «Ирис» мерлыко огазеяськонзылэн ёзчиоссы.

Пумиськон ортчоз 27-тӥ куартолэзе 11.00 часэ «Глазов.Электрон» огазеяськонлэн администраци корпусаз, таӵе адресъя: Глазкар к., Драгунов ур., 69.

Ватсаса ивородэт басьтыны быгатоды таӵе телефонъёсъя:.(3412)78-48-83, 8(912)444-21-02 – Килин Василий Иванович, 8(963)026-07-88 – Волкова Римма Ильтимеровна, (34141)2-12-84 – Смелков Леонид Федорович.