8-тӥ инвожое Грак ёросысь Благодатной гуртын чуваш калыклэн «Акатуй» юмшанэз ортчоз. Праздник сӥземын тулыс бусы ужъёсты йылпумъянлы, инкуазьлы тау каронлы. Праздникез ортчытэ «Чуваш йöскалык центр» чуваш калыклэн мерлыко огазеяськонэз Удмурт Элькунысь йӧскалык политикая министерстволэн, Калыкъёслэн эшъяськон юртсылэн но «Грак ёрос» муниципал кылдытэтлэн юрттэмез улсын.

Та нуналэ ик ортчоз эшшо одӥг ужрад – Благодатной гуртлэсь 100 ар тырмонзэ пусъён. 100 ар талэсь азэьло чуваш калык кылдытӥз та гуртэз, туннэ нунал понна асьмен элькунамы та одӥг гинэ чуваш гурт луэ.

Калык юмшанэ элькунысьтымы но бускель улосъёсысь куноос вуозы.

Праздник кутскоз 12.00 часын. 13.00 часысен ужаны кустскозы площадкаос. Котькуд адями бырйыны быгатоз аслаз унсыкъёсызъя, кытчы пыриськыны. Озьы ужалоз крезьгуро площадка, кытын калыкез шулдыртозы но асьсэлэсь быгатонлыкъёссэс возьматозы лыктэм коллективъёс. Спорт площадкаын куноосты витё пӧтрэм пумо ӵошатсконъёс, калык шудонъёс. Нылпиослы но нимысьтыз площадка ужалоз. Татын соос шудозы калык шудонъёсын, кырӟалозы но эктозы. Праздник йылпумъяськоз 21.00 часын этнодискотекаен.

Ватсаса ивортодэт басьтыны быгатоды таӵе телефонъёсъя: 8 (3412) 68-77-98 – Васева Вера Васильевна, Удмурт Элькунысь йöскалык политикая министерствоысь öнерчи;

8 (34163) 3-14-76 – Данилова Галина Филипповна, Гракысь лулчеберетъя юртысь методист.