16-тӥ гудырикошконэ Сьӧлта ёросысь Выль Жикъя гуртысь йӧскалык лулчеберетъя центрын радъяськоз «Медово-Яблочный Спас» элькун калык шулдыръяськон. Сое ортчыто «Сьӧлта ёрос» муниципал кылдытэт администраци но Њуч лулчеберетъя Удмурт Элькунысь мерлыко огазеяськон Удмурт Элькунысь йӧскалык политикая министерсволэн юрттэмез улсын.

Ужрадэ пыриськозы Удмуртиысь но Киров улосысь коллективъёс, калык кырӟанъёсты быдэстӥсь кырӟасьёс, крезьгуро инструменъёсын шудӥсьёс, муш вордӥсьёс.

Радъямын луоз улмоен но чечыен, киужъёсын вузкарон. Куноослэн луонлыксы луоз Дун Чылкыт Ксения Петербужская нимо часовняе пыраны, куиськонъя, кут кутанъя, кырсуллэсь арбериос лэсьтонъя мастер-классъёсы пыриськыны, тыл вылын пӧзьтэм ӝукез но вашкала самарысь чаез веръяны. Нош ӝыт «Купание коня» йылол, Эшъяськон Хоровод но этнодискотека радъямын луоз

Ватсаса ивортодэт басьтыны луэ таӵе телефонъёсъя: 8 (3412) 63-10-55, 63-10-36.