Мерлыко кенеш ужалоз Удмурт Элькун Тӧро бордын. Со луэ кенеш сётӥсь ёзэс. Кылдытэмын кун но муниципал тӧрлык ёзэсъёслы, мерлыко, тодослыко но мукет огазеяськонъёслы йӧскалык политикая удысь юанъёсты сэрттон-пертчон, радъян понна.
Кенешлэн валтӥсь ужпумъёсыз: йӧскалык политика удысын кылдэм юанъёсты мерлыкен кенешонэз радъян; Удмурт Элькунынын йӧскалык политикалэсь быдэстӥськемзэ эскерон, серттон-пертчон; Удмурт Элькунысь йӧскалык политикаез азинтон понна тужгес но кулэлыко луись ӧр быръён сярысь кенешон; Удмурт Элькунысь Тӧролы йӧскалык политикаен герӟаськем юанъёсъя шонер луись ивортодэт вуттон; йӧскалык кусыпъёсты но осконэн герӟаськем кусыпъёсты азинтон понна выль малпанъёс шедьтон.
Пуктэм ужпумъёсты быдэстон понна Кенеш эрикрадо луэ: Кенеш аслэсьтыз ужзэ быдэстон понна Удмурт Элькунысь кун тӧрлык ёзэсъёслэсь, интыысь аскивалтӥсь ёзэсъёслэсь, федерал торлыкъёслэн интывыл ёзэсъёсызлэсь, озьы ик огазеяськонъёслэсь но нимаз адямиослэсь ивортодэт юаны но басьтыны быгатэ; аслаз люкаськонъёсаз ӧтьыны быгатэ Удмурт Элькунысь кун тӧрлык ёзэсъёсыз, интыысь аскивалтӥсь ёзэсъёсыз, федерал тӧрлыкъёслэн интывыл ёзэсъёссэ, тодослыко но мукет огазеяськонъёслэсь ёзчиоссэс; йӧскалык политикаен герӟаськем юанъёсъя котырес ӝӧкъёс, конференциос, семинаръёс радъя.
Кенеше пыро Удмурт Элькунысь йӧскалык политикая министерстволэн реестраз кутэм мерлыко огазеяськонъёслэн кивалтӥсьёссы, тодмо азьветлӥсьёс.