Удмурт Элькунысь йӧскалык политикая министерство мерлыко огазеяськонъёслы 2018-тӥ арлэн 4-тӥ кварталаз калыкъёслэсь кусыпъёссэс но ог-огзэсты валанзэс азинтыны юрттӥсь ӵектосъёссэс быдэстыны но нимаз ужрадъёс ортчытыны субсиди сётон вылысь вожвылъяськон ялэ (азьланяз – Вожвылъяськон).

Ӵектосъёсты быдэстон понна курем коньдон 100 сюрслэсь ятыр луыны кулэ ӧвӧл, ортчытон дырыз – 2018-тӥ ар, 4-тӥ квартал(вазиськонлэн 1-тӥ формаез). Нимаз ужрадъёсты ортчытон понна курем коньдон 30 сюрслэсь ятыр луыны кулэ ӧвӧл, ортчытон дырыз – 2018-тӥ ар, 4-тӥ квартал (вазиськонлэн 2-тӥ формаез).

Ӵектосъёсты улонэ пыӵатыны коньдон висъяське Россия Федерациысь «Йӧскалык кун политиказ азинтон» программаез но Удмурт Элькунысь «Йӧскалыкъёслэсь мерлыко улонзэс азинтон но кусыпъёссэс юнматон» нимо кун программаез быдэстон улсын. Вожвылъяськонлэн валтӥсь мугез мерлыко огазеяськонъёслы йӧскалык кусыпъёсты радъянлы но экстремизмен нюръяськыны сӥзем ужрадъёсты ортчытыны юрттэт сётон.

Субсиди сётон вылысь вожвылъяськон радъяське Удмурт Элькун Кивалтэтэн 2018-тӥ аре 27-тӥ оштолэзе юнматэм 157 номеро Радлыкъя.

2018-тӥ арын 4-тӥ кварталын ортчытоно ужрадъёслы вазиськонэз, сётэм кабъёсъя гожтыса, 27-тӥ куарусёнысен 10-тӥ коньывуонозь ваёно таӵе адресъя: Ижкар к., Орджоникидзе ур., 33 Б, Удмурт Элькунысь йӧскалык политикая министерство , 3-тӥ бӧлет.

Ватсаса юалляськоно: (3412) 68-78-39 – Алена Игоревна Калинина, Удмурт Элькунысь йӧскалык политикая министерствоысь йӧскалык кусыпъёсты радъянъя ёзэтысь ӧнерчи.