7-тӥ толшоре Ымусьтон празднике Удмуртиысь вань черкъёсын вӧсяськонъёс ортчизы. Михаил-Архангельской кафедральной соборын Ижкарысь но Удмуртиысь  Викторин митрополит вӧсяськонэз нуиз. Та ужрадэ пыриськизы Удмурт Элькунысь Тӧролэн но Кивалтэтлэн Администрацизылэн кивалтӥсез Александр Журавлев но УЭ-ысь Йӧскалык политикая министр Эдуард Петров.

Вӧсяськем ортчем бере Викторин митрополит православнойёслы вазиськиз но праздникен ӟечкылаз соосты.

УЭ-лэн Тӧроез Александр Бречалов Удмуртиын улӥсьёслы мерлыко вотэсбамъёсын вазиськиз. «Элькунысь вань православнойёсты Ымусьтонэн! Ваньзэ ӟечсэ гинэ сӥзисько! Котькуд семьялы – яратон, валан но ог-огедлы саклык висъян. Оскон, яратон но тупаса улон! Утелэ асьтэдыз но матысьёстэс!» – вераз со.

Озьы ик Викторин митрополит вань вӧсяськисьёслы семьяосазы тупаса улон, шудо улон выль арын сӥзиз.