7-тӥ коньывуон толэзе бесерман поэтлы Михаил Федотовлы 60 арес тырмысал. Михаил Федотов – бесерман поэт, кудӥз гожъяз удмурт кылын аслаз бесерман калыкез сярысь. Кылбурчи яркыт пытьы кельтӥз удмурт но бесерман калыкъёслэн лулчеберетазы но улоназы.

1-30-тӥ коньывуон толэзе Удмурт Элькунысь йӧскалык лыдӟетъюртлэн Йӧскалык но шаертодон литературая центраз (Удмурт ур., 264) М. Федотовлэн 60 ар тырмонэзлы сӥзьыса «Мон сюлэмме кельто на кузьмаса» книга адӟытон ужалоз.

07-тӥ коньывуонэ Яр каргуртын лулчеберетъя «Юбилейный» центрын бесерман лулчеберетлы сӥзем “Шундыен шунтэм сэрег” II элькун фестиваль радъяськоз. Фестивальлэн программаяз чакламын удмурт писательёслэн Яр политехникумын дышетскисьёсын пумиськон, ӧнеръёсъя центрлэн но Ярысь шаертодонъя музейлэн адӟытонъёссылэн ужзы, «Пичи калык но солэн бадӟым кылбурчиез» нимо концерт. Нош 8-тӥ коньывуонэ Ижкарын, Удмурт кун филармониын, Михаил Иванович Федотовез буре ваёнлы сӥзем ӝыт радъяськоз. Ужрадъясьёс: Удмурт Элькунысь лулчеберетъя но туризмъя, Йӧскалык политикая министерствоос, Вань удмуртъёслэн «Удмурт Кенеш» ассоциацизы, Калык быгатонлыкъёсъя элькун юрт, Удмурт кун филармония, Удмурт кун университет. Ужрад 19.00 часэ кутскоз.