7-тӥ толшоре Удмурт шаерысь вань черкъёсын Ымусьтонлы сӥзьыса Инмарлы вӧсяськон радъяськиз. Ижкарысь но Удмуртиысь митрополит Викторин Михаило-Аргангельской кафедрал соборын та ужез нуиз.

Ымусьтон службае пыриськизы Удмурт Элькунысь йӧскалык политикая министр Эдуард Петров но Ижкарлэн Тӧроез Олег Бекмеметьев.

Дышем сямъя, черкъёсын Московской но быдэс Русьысь Святой Патриархлэсь Кириллэсь ыстэм кылъёссэ лыдӟизы.

Богослуженилэн пумаз Ижкарысь но Удмуртиысь митрополит Викторин Инмарлы оскисьёслы проповедьлэн кылъёсыныз Христослэн вордсконэныз ӟечкыласа вазиськиз. Владыка семьяосын яратон, дуннеын тупаса улон сӥзиз.

Туспуктэм: Ижкар но Удмурт епархилэн пресс-службаез