Министерство

Удмурт Элькунысь йӧскалык политикая министерстволэн ужоскетъёсыз, функциосыз но ужпумъёсыз

Министерстволэн валтӥсь ужпумъёсыз:

• Россия Федерацилэсь трос йӧслыко огинлыксэ но быдэслыксэ утён;
• Удмурт Элькунысь пӧртэм калыкъёслэсь трос вапумъёс ӵоже радъяськем  кун огинлыксэс утён но азинтон;
• Удмурт калыклэсь но озьы ик Удмурт Элькунын улӥсь мукет калыкъёслэсь кылзэс, лулчеберетсэс утён но азинтон понна умой луонлыкъёс кылдытон;
• Удмурт Элькунлэн палэназ улӥсь удмуртъёсты утён но соолы  азинскыны юрттон;
• Россия Федерацилэсь но Удмурт Элькунлэсь йӧскалык политикая Концепцизэс дасянэ но улонэ пыӵатонэ пыриськон;
• Удмурт Элькунысь вань калыкъёслэсь тунсыкъёссэс лыдэ басьтыса, огъя кун йӧскалык политикаез быдэсъян;
• Удмурт Элькунын улӥсь калыкъёслэсь кусыпъёссэс но азинсконзэс эрикрад ласянь шонер радъян;
• Элькунын кылъя одӥг политикаез нуон, вань калыкъёслэсь анай кылзэс азинтыны, йӧскалык дышетскон басьтыны, йӧскалык лулчеберетэз но калык быгатонлыкъёсты утьыны но азинтыны, ивор вӧлмытон валтосъёсты уже кутыны кункатъя чаклам эрикрадзэс быдэстон понна Удмурт Элькунысь министерствоослэсь, кун комитетъёслэсь но удысэтъёслэсь ужзэс радъян;
• Нимаз калыкъёслэсь мерлыко улонзэс но азинсконзэс лыдэ басьтыса элькунысь мерлыко политикаез радъянэ пыриськон, Удмурт Элькунын улӥсь калыкъёслэсь йӧскалык лулчеберетсэз но йӧскалык дышетскон сӧзнэтэз азинтон;
• Калыкъёслэсь кусыпъёссэс, йӧскалык политикаез эскерон но та удысъёсын валтӥсь ӧръёсты чаклан, тодос но лулчеберет кусыпъёсты азинтон, йӧскалык политика удысысь тодос инъетъёсын вошъяськон понна Удмурт Элькунысь, солэн палэнысьтыз но кунгож сьӧрысь тодос ужъюртъёсын кусып возён.

Министерство йӧскалык политка удысэн кивалтэ но таӵе функциос понна кыл кутэ:

• Матысь но кыдёкысь кунгожсьӧр кунъёсын лучебертъя но ивортодэтъя кусыпъёс возён;
• Калык кусыпъёсты радъян;
• Йӧскалык азинсконъя ужпумъёсты быдэстон но калык кусыпъёсты радъян вылысь граждан мерлыклэн инфраструктураезлы азинскыны луонлыкъёс кылдытон;
• Этноязыковой политикаез улонэ пыӵатон;
• Удмурт Элькунлэн палэназ улӥсь удмуртъёслэсь лулчеберет мерассэс утёнлы, кыл но лулчеберет удысын туала кулэяськонъёссэс быдэстонлы луонлыкъёс кылдытон.

Министерство озьы ик быдэсъя таӵе функциос:

• Удмурт Элькунысь йӧскалык политикалэсь валтӥсь ужпумъёссэ, меретъёссэ но ӧръёссэ тодмостэ;
• Удмурт Элькунысь кун тӧрлыклэн езэсъёсызлэсь кун йӧскалык политика удысын ужзэс чакла но радъя;
• Калыкъёслэсь кусыпъёссэс но соосын герӟаськем мукет ужпумъёсты эскерон муген Удмурт Элькунысь интыысь аскивалтэтэн кусып возе;
• Удмурт Элькунысь кун тӧрлыклэн но интыысь аскивалтэтлэн ёзэсъёссылы калык кусыпъёсты радъян удысын юрттэт сётэ; экстремизмлэсь но ксенофобилэсь утиськонъя ужамало материалъёс но индылэтъёс дася;
• Министерстволэн ужоскетаз пырись юанъёсъя федерал но улосвыл катрадлыкез эскере но огъянъёс лэсьтэ, юнматэм радъя Удмурт Элькунысь Кивалтэтэ катрадлыкез умоятонъя дэмланъёс лэсьтэ;
• Министерстволэн ужоскетаз пырись юанъёсъя эсэплыко эрикрадъем актъёслы ӵектосъёс дася;
• Министерстволэн ужоскетаз пырись юанъёсъя федерал но Удмурт Элькунысь катъёслэн ӵектосъёссылы но мукет эсэпо эрикрадо катъёслы эскеронъёс экспертлыко йылпумъянъёс лэсьтэ;
• Удмурт Элькунысь йӧскалык кун но улосвыл радлыкез умоятонъя ӵектосъёсты эскеронэ пыриське;
• Удмурт Элькунын улӥсь калыкъёслэсь эрикрадзэс утён но тунсыкъёссэс быдэстон, йӧскалык политикаез радъян вылысь Удмурт Элькунысь кун тӧрлыклэн но интыысь аскивалтон ёзэсъёсын, мерлыко огазеяськонъёсын ӵош элькун но удыслыко мерет прогаммаос дася но кун заказтӥсь луэ.
• Удмурт Элькунын улӥсь калыкъёслэсь эрикрадзэс утён но тунсыкъёссэс быдэстон, йӧскалык политика удысъёсысь элькун но удыслыко мерет программаослэсь быдэстӥськемзэс эскере;
• Удмурт Элькунысь йӧскалык азинскон но калык кусыпъёсты радъян удысын прогаммаос дасянъя муниципал кылдытэтъёслы юрттэт сётэ;
• Удмурт Элькунын улӥсь калыкъёслы одӥг кадь луонлыкъёс  кылдытон понна Удмурт Элькунысь но муниципал кылдытэтъёсысь мерлыкез но экономикаез азинтон удысын программаослэсь чектосъёссэс  дасянэ пыриське;
• Удмурт Элькунын улӥсь калыкъёслэн туала инэтэнызы но азинсконэнызы герӟаськем инвестици, выт тырон, коньдон ужпумъёс но коньдон интыян сярысь юанъёслы валэктон-дэмланъёсты дасянэ пыриське;
• Удмурт Элькунын улӥсь калыкъёслэн но элькунлэн палэназ  улӥсь удмуртъёлэн улоназы политика но мерлык удысын калык кусыпъёслэн воштӥськемзы сярысь ивортодэт люканэз но сое сэрттон-пертчонэз радъя; люкам ивортодэт вылэ инъяськыса федерал кун тӧрлыклы, Удмурт Элькунысь кун тӧрлыклы, интыысь аскивалтон ёзэсъёссылы йылпумъянъёс, материалъёс, тодэтъёс, ӵектонъёс дася ,
• Министрестволэн инлыказ пырись юанъёсъя эскерет группаос кылдытъя, ивортодэто сӧзнэтъёс дася, эскеронъёсын но тодэтъёсын бичетъёс поттэ;
• Экстремизмлэсь но ксенофобилэсь утисъконъя ужрадъёс малпа но ортчытэ;
• Быдэсъясь кун тӧрлыклэн ёзэсъёсызлэсь экстремизмлэсь но ксенофобилэсь утисъконэн герӟаськем ужрадъёсты быдэстэмзэс чакла;
• Йӧскалык удысужчиосты дасян но соосты уже кутон юанъёсты эскере, Удмурт Элькунысь кун тӧрлыклэн мукет ёзэсъёсыныз ӵош та ужпумез быдэстонлы ӵектонъёс лэсьтэ;
• Министрестволэн инлыказ пырись юанъёсъя федерал быдэсъясь тӧрлыкезлэн ёзэсъёсыныз, Россия Федерацилэн быдэсъясь тӧрлыкезлэн ёзэсъёсыныз кусып возён сярысь кылтупанъёслы, протоколъёслы но огкылъёслы ӵектосъёс дася но соосты быдэстэмзэс чакла;
• Йӧскалык политикаен герӟаськем тодосэз, лулчеберетэз, ивортодэтэз азинтон понна, кунгож сьӧрысь мерлыко огазеяськонъёсын но ӧръёсын кусып возе;
• Министерстволэн инлыказ пырись юанъёсъя, Удмурт Элькун Азьмуртлэн но Удмурт Элькун Кивалтэтлэн Тӧроезлэн куремзыя кунгож сьӧр кунъёсын но кунгож сьӧр кунъёслэн административн- территориальной кылдытэтъёсынызы тупанкылъёслы ӵектос дасянэ пыриське;
• Министерстволэн инлыказ пырись юанъёсъя улосвыл, улосвылкуспо, калыккуспо конференциос, симпозиумъёс, кенешонъёс, вожвылъяськонъёс радъя;
• Йӧскалык азинскон, калык кусыпъёс, йӧскалык политикаез быдэстон юанъёсты шараян вылысен, ялан кусып возе вор вӧлмытон валтосъёсын, ивортодэт ужъюртъёсын;
• Калыкъёслэн мерлык ласянь азинсконзылы сӥзем но мерлыклы пайдаё луись улосвыл но интыысь ужъюртъёслэн программаоссылы юрттэт сётэ;
• Удмурт Элькунысь йӧскалык политикаен герӟаськем катъёслэсь но мукет эсэплыко эрикрадо актъёслэсь быдэстӥськемзэс эскере. Катэз тӥян учыръёс вань ке, кутэм радъя кун тӧрлыклэн кулэ луись ёзэсъёсызлы ивортэ;
• Кунмуртъёслэсь йӧскалык политикаен герӟаськем ӝожтӥськонъёссэс, вазиськонъёссэз, ӵектонъёссэс эскере, Россия Федерацилэн но Удмурт Элькунлэн катрадлыксыя пуктэм дырлы соосты быдэстэ, валэктон сётэ;
• Россия Федерацилэсь но Удмурт Элькунлэсь йӧскалык политикая концепцилэсь быдэстӥськемзэс сэрттэ-пертче, мониторинг лэсьтэ; аслаз инлыкезъя Удмурт Элькунысь кун тӧрлыклэн быдэсъясь ёзэсъёсызлэсь ужзэс радъя но эскере;
• Газет-журналъёсты но мукет ивор вӧлмытон валтосъёсты эскере, калыкъёс куспын ожмаськон, ог-огдэ адӟемпотостэм карон мылкыд ӝутӥсь ивортодэт медаз луы шуыса;
• Калыкъёслэсь кусыпсэс сӧрись но ог-огзэс адӟемпотостэм карон мылкыд пыӵатись материалъёслы этнополитической, этнопсихологической, этнолингвистической экспертиза лэсьтэ;
• Элькунысь мерлыко огазеяськонъёслы, йӧскалык центръёслы, йӧскалык лулчеберетъя ассоциациослы но автономиослы, землячествоослы, озьы ик мукет политической луисьтэм огазеяськонъёслы юрттэт сётэ; огазеяськонъёслы асьсэлы луонлык сётэ калык лулчеберетэз утён, анай кылэз азинтон но дышетон удысъёсын ужрадъёс радъяны, йӧскалык шӧмо программаос дасяны, Удмурт Элькунысь йӧскалык лулчеберетъя ужъёсты ивор вӧлмытон валтосъёсын шараяны;
• Йӧскалык лулчеберетъя автономиослы но мерлыко огазеяськонъёслы этносоциальной азинсконъя ужпумъёсты лэсьтыны луонлык сётэ;
• Калыклэн этносоциальной азинсконэныз вырись но Россия Федерацилэсь но Удмурт Элькунлэсь катъёссэ тӥясьтэм мерлыко огазеяськонъёслы юрттэт сётэ;
• Кылъя кун политикаез быдэстон понна кыл кутэ;
• Удмурт Элькунысь этноязыковой югдурез эскере, тодъяськонъёс лэсьтэ; йӧскалык кыллэсь престижзэ ӝутон, утён но азинтон вылысь пӧртэм пумо программаос дася но соосыз улонэ пыӵатэ;
• Удмурт кылын нимкылъёсъя но шенер гожъяськонъя элькун ӧрилэсь ужзэ радъя;
• Йӧскалык кылъёсын мерлыклы кулэ луись книга поттонъя удысэткуспо ӧрилэсь ужзэ чакла;
• Удмурт Элькунлэсь эрикрадо актъёссэ, кун тӧрлыклэсь но интыысь аскивалтон тӧрлыклэсь ёзэсъёссылэсь актъёссэс, ужъюртъёслэсь нимъёссэс, интынимъёсты удмурт кылэ берыктон ужез радъя;
• Удмурт Элькунлэн палэназ улӥсь удмуртъёслэсь лулчеберет но кыл удысын, йӧскалык мерасэз утёнын туала клэяськонъёссэс быдэстонын Удмурт Элькунысь кун тӧрлыклэн ёзэсъёсызлэсь кулэ луонлыкъёс кылдытэмзэс радъя;
• Министерство аслаз инлыказ пырись юанъёсъя Удмурт Элькунын быдэсъяськись федерал программаосты но мукет ужрадъёсты быдэстон понна коньдон курыса вазиське федерал тӧрлыклэн быдэсъясь ёзэсъёсаз.