Гожтэт пыр вазиськонъёс

Удмурт Элькунысь йӧскалык политикая министерствое вазиськонъёсты почта пыр таӵе адресэ келяно: 426063, Удмурт Элькун, Ижкар, Орджоникидзе урам, 33 б;
Вазиськондэс Удмурт Элькунысь йӧскалык политикая министрлэсь ужзэ быдэсъясьлэн, Петров Эдуард Степановичлэн, яке Удмурт Элькунысь йӧскалык политикая министерстволэн нимазы гожтоно;
Вазиськонады одно ик нимтулды, почта адресты но телефонды пусъемын луны кулэ;
Вазиськонын одно ик гожтэт гожтэмлэн нуналыз но вазискисьлэн кинюртэмез луны кулэ;
Уг эскерисько:
· Урод, ултӥясь кылъёсын, лыдӟыны луонтэм вазиськонъёс. Таӵе учыръёсы вазискись адямилы пусъем адресэзъя гожтэтэз эскеремын уз луы шуыса ивор келяло;
· Нимтэм вазиськонъёс, соос архиве келямын луо;
· Гожтэтъёс, кудъёсаз вань пӧртэм кышкатонъёс, лэсьтоно яке лэсьтэм йыружъёс сярысь танӥськыса веранъёс, соку ик эрикрадэз утись ёзэсъёсы келясмын луо;
Вазиськонъёслы куронъёс юнматэмын 59-ФЗ номеро 2-тӥ куартолэзе 2006–тӥ аре кутэм «Россия Федерацилэн кунмуртъёсызлэсь вазиськонъёссэс эскеронлэн радлыкез сярысь» Федерал катлэн «Гожтэт вазиськонъёслы куронъёс» нимо 7-тӥ ёзэтэныз;
Вазиськонэз эскерон сярысь тодэт басьтыны луэ (3412)68-53-55, доб. 111 телефонъя. Кунмуртъёслэсь вазиськонъёссэс уже кутон но сое быдэстонэз радъян понна кылкутӥсь луэ министерствоысь валтӥсь специалист-эксперт – Маркова Анисья Валерьевна

Сайтысь утчано