31-тӥ южтолэзе Удмурт Элькунысь йӧскалык политикая министерствоын министр бордын ялан ужась кенеш радъяськиз. Ужрадэ пыриськизы мерлыко огазеяськонъёслэн кивалтӥсьёссы но ёзчиоссы, йӧскалык политикая министерствоысь но Калыкъёслэн Эшъяськон юртысьтызы ӧнерчиос.

Удмурт Элькунысь йӧскалык политикая министр Л.Н. Буранова люкаськемъёслы ивортӥз 2016-тӥ арын котырес лыдпусъёссэ пусйись огазеяськонъёс сярысь. Озьы та аре 25 ар тырме: Удмурт Элькунысь ӟуч лулчеберетъя огазеяськонлы (тулыспал), Вань удмуртъёслэн «Удмурт Кенеш» ассоциацизылы (сӥзьыл), Бигеръёслэн мерлыко центрзылы (сӥзьыл), Казакъёслэн огазеяськонзылы.

Озьы ик Лариса Николаевна вераз 2016-тӥ арын ортчоно бадӟым ужрадъёс сярысь:

• Россия Федерацилэн Мерлыко палатаяз Удмурт Элькунлэн нуналъёсыз (оштолэзь). Татын улосысьтымы коммерциен герӟаськымтэ огазеяськонъёсын тодматон улсын бадӟым саклык висъяськоз йӧскалык огазеяськонъёслы;
• Россия Федерациын ичи лыдъем калыкъёслэн фестивальзы (гудырикошкон);
• Россия Федерациын кун йӧскалык политикаез азинтонлы сӥзем тодослыко огъя Росси конференци (куарусён);
• «Этнографи диктант» огъя Росси акци (коньывуон).

Министр тодазы вайытӥз на Россия Федерацилэсь кун йӧскалык политикая стратегизэ Удмурт Элькунын 2016-2018-тӥ арны быдэстон план борды уж азинтӥське шуыса. Мерлыко огазеяськонъёс асьсэлэн ӵектосъёсынызы вазиськыны быгато.

2016-тӥ арны ортчоно йӧскалык шулдыръяськонъёс сярысь вераз министрлэн воштӥсез Л.Ю. Соковикова. Людмила Юрьевналэн верамезъя, шулдыръяськонъёслы дасяськон дышем сямен мынэ, ӧнерчиос радзэ валаса ужало.

Кенешлэн пумаз «Танцующая Россия» фестивалез радъясьёс фестиваль улсын ортчоно «Этнодень» ӵектосэн тодматӥзы. Мерлыко огазеяськонъёслэн кивалтӥсьёссы ужрадэз ортчытын юрттэт сётыны малпазы.