18-тӥ гудырикошкон толэзе Вавож черкогуртын Миннацлэн нуналэз ужрад ортчоз. Та нуналэ йӧскалык политика удысын пумиськись шуг-секытъёсты сэрттон-пертчонлы сӥзем семинар ортчытыны чакламын. Со сяна, элькунысь мерлыко огазеяськонъёслэн кивалтӥсьёссы пумиськозы ёросысь ёзэтъёссылэн ёзчиосынызы. Удмурт Элькунысь йӧскалык политикая министрлэсь ужзэ быдэсъясь Л.Н. Буранова ёросысь калыкъёсын пумиськоз, юанъёссылы валэктон сётоз.

Ужрадэ пыриськыны ӧтемын “Вавож ёрос” муниципал кылдытэтлэн Администрациысьтыз дышетон, егитъёсын ужан но ивортодэт политика удысэн вырись ӧнерчиос, мерлыко огазеяськонъёслэн ёзчиоссы.

Ужрад кутскоз 10.00 часэ.