30-тӥ гудырикошконэ Ярын йӧскалык политикая министерстволэн нуналэз ортчоз. Та нуналэ пӧртэм ужрадъёс ортчытыны чакламын. Йӧскалык политикая министрлэсь ужзэ быдэсъясь Л.Н. Буранова пумиськоз калыкен, кылдэм юанъёслы валэктон сётоз. Пӧртэм министерствоосысь но удысэтъёсысь ӧнерчиос Яре Россия Федерациысь ичи лыдъем калыклы, бесерманъёслы, лулчеберет, мерлык но экономика ласянь азинтӥськыны юрттэт сётон вылысь удысэткуспо планлэсь ӵектоссэ эскерыны люкаськозы. Озьы ик ужрадэ Балезино, Глаз но Юкаменск ёросъёслэн администрациосысьтызы ӧнерчиос, Яр ёросысь мерлыко огазеяськонъёслэн кивалтӥсьёссы но ёзчиоссы пыриськозы.