Красногорск ёрослэн Тӧроез Любовь Сергеева куноосты ӟечкылаз но мер но экономика, мер но политика азинскон сярысь ивортӥз.

Таӵе ужрад ортчытъян дыръя муниципал кылдытэтъёсты министерстволэн уженыз, Кун йӧскалык политикалэн Стратегиезлэн ужпумъёсыныз тодмато. Дышетон семинаръёс, тематической но проектной секциос ортчыто, улосчиосын нимысьтыз пумиськиськон радъяло.

Кенешонын Удмуртиысь калык но этноконфессиональной кусыпъёсты, экстремизмен нюръяськонэз пыр-поч эскеризы, коммерциен герӟаськымтэ огазеськонъёслэн эрикрадъя ужамзы сярысь юанъёсты сэрттӥзы-пертчизы.

Со сяна, йӧскалык политика министр Эдуард Петров Красногорск ёрослэн Тӧроеныз Любовь Сергееваен ӵош кунмуртъёсын пумиськон ортчытӥз. Министр улӥсьёсын вераськиз но сюлмаськытӥсь юанъёслы валэктон сётӥз.