27-тӥ пӧсьтолэзе УЭ-ысь йӧскалык политикая министерство Якшур-Бӧдья ёросъёсын «Миннацлэн нуналэз» ужрад радъяз. Министерствоысь ужасьёс но министр Эдуард Петров улосчиосын мылысь-кыдысь пумиськизы.

Таӵе ужрадъёс ортчытъян дыръя муниципал кылдытэтъёсты министерстволэн уженыз, Кун йӧскалык политикалэн Стратегиезлэн ужпумъёсыныз тодмато. Дышетон семинаръёс, тематической но проектной секциос ортчыто, улосчиосын нимысьтыз пумиськиськон радъяло.

Кенешонын Удмуртиысь этноконфессиональной кусыпъёсты, экстремизмен нюръяськонэз пыр-поч эскерӥзы, коммерциен герӟаськымтэ огазеськонъёслэн эрикрадъя ужамзы сярысь юанъёсты сэрттӥзы-пертчизы. Озьы ик, Министр кунмуртъёсын нимысьтыз пумиськон ортчытӥз. Эдуард Степанович улӥсьёсын вераськиз но сюлмаськытӥсь юанъёслы валэктон сётӥз.

Нунал пайдаё ортчиз но вань пуктэм ужпумъёс быдэстэмын вал. Муниципал кылдытэтъёсы таӵе ветлон  кулэ луэ министерстволы но, ёрослы но.

Вуоно «Миннацлэн нуналэз» ужрад куарусёнэ Вавожын ортчоз.