Нылкышноослэн калыккуспо нуналзылы но Россиын ялэм Лулчебертлэн арезлы сӥзьыса 9-тӥ южтолэзе Сарапулысь «Электрон – Центр возрождения и развития национальных культур» лулчеберетъя юртын ортчоз «Мисс Содружество – 2014» йӧскалыккуспо вожвылъяськон. Ужрад кутскоз 14.00 часын.

«Мисс Содружество – 2014» нимез басьтон понна люкаськозы Сарапулысь, Ижкарысь, Каракулино но Камбарка ёросъёсысь пӧртэм йӧслыко 16-23 аресъем нылъёс.

Нылашъёс ортчозы 4 этап пыр:

Ø Ас сярысьтызы пичияк ивортон;

Ø Кыӵе ке номер возьматон. Номерын одно ик калык шӧмыз мед луоз (калык эктон, кырӟан, крезьгур , шудон);

Ø Лэсьтэм киужез возьматон;

Ø Калык дӥськутэз сцена вылын возьматон.

Ужрадэ дасяськонлэн али пӧсь вакытэз. Нылъёс чебер туспуктэмъёс дасяло, сцена вылын асьсэды чебер возьыны, вамышъяны дышетско.

Нылъёс понна куара сётыны луоз вотэсбамын таӵе адресъя: https://vk.com/event49425183. Тужгес но трос куара люкам нылаш «Мисс Виртуальность» ним басьтоз.

Нош вожвылъяськонэз залэ учкыны лыктэмъёс кельшем нылаш понна билетсэс сётыны быгатозы. Билетъёс юрттозы бырйыны куноослы тужгес но зол ярам чебераез.

Вожвылъяськонэз радъяло «Электрон – Центр возрождения и развития национальных культур» лулчеберетъя юрт, Калыкъёслэн Эшъяськон юртсы.

Юрттӥсьёс: Удмурт Элькунысь йӧскалык политикая министерство, Сарапул карысь Лулчеберетъя но ёгитъёслэн ужъёссыя Кивалтонни.

Ужрад сярысь пыр-почгес тодыны луоз таӵе адресъя: https://vk.com/event49425183