Форумын таӵеесь секциос ужазы:

«Возможности родительского сообщества для вовлечения детей в языковую среду»;

«Электронная письменность: языковые технологии и технологии для языков»;

«Традиции и новации по продвижению чтения на языках народов России».

Ужрадэ пыриськизы (онлайн но офлайн амалэн) федерал но улосвыл тӧрлык ёзэтысь, тодослыкъя дышетон ужъюртъёсысь огмуртъёс, кылъя усточиос но Россия Федерациысь калыкъёслэсь кылзэс утён но азинтон удысысь ӧнерчиос.

Форумын Удмурт Элькунлэсь данзэ утиз Мальвина Уракбаева, УЭ-ысь йӧскалык политикая министерствоысь калык кусыпъёсты умоятонъя ёзэтлэн кивалтӥсезлэн воштӥсез, но Мария Емельянова, УЭ-ысь Калыкъёслэн эшъяськон юртысьтызы ивортодэтэз сэрттон-пертчонъя ёзэтлэн кивалтӥсез. Со пыриськисьёсты «Республиканская газета на удмуртском языке «Дарт»: молодёжь для молодёжи» нимо докладэныз тодматӥз.

Ужрад ортчон дыръя «Ключевое слово» нимо Россия Федерациысь кыл пӧртэмлыкез утёнъя VI Россиякуспо мерлык премиез басьтонъя вормисьёс сиё-дано пусъемын вал.