Ужрад ДК «Октбярь» Йӧскалык лулчеберетъя центрын радъямын вал. Кенешонэ пырӥськизы йӧскалык-лулчеберетъя огазеяськонъёсысь ужудысчиос, Удмурт Элькунысь йӧскалык политикая министерствоысь но Калыкъёслэн эшъяськон юрттысьтыз ужасьёс, Можга ёросысь азветлӥсьёс но мукетъёсыз мылкыд карисьёс.

Йӧскалык лулчеберетъя центрысь тужгес но тунсыко практикаосын тодматӥз художественно-методической ёзэтлэн кивалтӥсез Олеся Минымуллина. Со пусйиз: «Асьме ёросын но карын ог 40 пӧртэм калыкъёс уло, со бадӟым данлык. Вань НКО-ос понна, кудъёсыз асьме котырын ужало, центрлэн кулэлыкез шӧдӥське. Трос этнической ӵектосъёс Удмурт Элькунысь мугор лулчеберетъя но спортъя, йӧскалык политикая министерствоослэн юрттэмзыя радъясько».

Со сяна, докладъёсын интыысь НКО-ослэн кивалтӥсьёссы вераськизы, асьсэлэн уженызы но вуоно ужрадъёсын тодматӥзы.

Совещание ортчон улсын Можгакарысь учкымон интыостӥ но трос аръёс ӵоже ужась промышленной ужпӧръюртъёстӥ экскурсиос ортчизы. Пыриськисьёс АО «Свет» но АО «Можгаысь пуэн ужанъя “Красная звезда” ужпӧръюрт» заводъёсы вуылӥзы.

Таӵе палэнэ потыса кенешон 3-тӥ пол ортче ни. Азьло пумиськонъёс Воткакарын но Сарапулкарын радъямын вал.