17-тӥ южтолэзе Можгакарын «Вместе» Ассоциацилэн ёзэтъёсызлэн конференцизы ортчиз.

Сарапулысь, Дэбесысь, Алнашысь, Ижкарысь но мукет интыысь егитъёс люкаськизы Можгае «Вместе» Ассоциацилэн мерлыклы кулэлыкез но азинтӥськон сюресэз сярысь кенешыны. Егитъёс озьы ик вераськизы огазеяськонлэн каръёсысь но ёросъёсысь ёзэтъёсыныз ужзэ ӟечгес радъян сярысь.

Ёзэтъёслэн кивалтӥсьёссы ужзылы йылпумъянъёс лэсьтӥзы. Бӧрысь егитъёс калык эктонъёс эктӥзы, калык спорт шудонъёсын кужымзэс эскеризы.

«Ми вераськимы йӧскалык политикалэн кулэлыкез но сое быдэстон оръёс сярысь. Милям малпаммыя, мерлыко огазеяськонъёс егитъёсты но тӧрлык ёзэсъёсты огазеяны юртто.Тазьы ӵошен ужаса котькуд малпанэз улонэ пыӵатыны луоно”, – вераз Ассоциацилэн кураторез Мария Царева.