16-тӥ южтолэзе Можгакарысь «Октябрь» лулчеберет юртын «Друг к другу с добром» Йӧскалыккуспо фестиваль радъяськоз.Ужрад ортчытӥське элькунамы улӥсь калыкъёслэн историенызы но лулчеберетэнызы тодматон, егитъёслы ас калыктэ яратон но гажан мылкыд пыӵатон вылысь.

Фестивале пыриськозы Можгаысь удысужлы дышетӥсь ужъюртъёсысь студентъёс. Соос программаязы Удмуртиын улӥсь калыкъёслэсь вашкала яке туала кырӟанъёссэс но эктонъёссэс пыртыны кулэ. Ужрадэ пыриськисьёс дипломен пусъемын луозы.

Ватсаса ивортодэт басьтыны луоз таӵе телефонъя: 89127463408 – Шумилова Эльвира Анатольевна, e-mail: centr.etno@mail.ru.