24-тӥ толшоре Якшур-Бӧдья черкогуртын Удмуртиысь муниципал кылдытэтъёслэн 11-тӥ съездзы ортчоз. Ужрадэ Удмурт Элькунысь йӧскалык политикая министр Л.Н.Буранова но пыриськоз.

Ужрадэ ӧтемын: Удмурт Элькунлэн Тӧроез Александр Васильевич Соловьёв, муниципал тӧрлык ёзэсъёслэн кивалтӥсьёссы, федерал тӧрлык ёзэсъёслэн улосвылысь кивалтӥсьёссы, Россия Федерациысь Кун Думалэн депутатъёсыз, Удмурт Элькунысь Мер палаталэн, мерлыко огазеяськонъёслэн ёзчиоссы.

Съездын ньыл секциослэн ужзы чакламын. Удмурт Элькунысь йӧскалык политикая министр Л.Н. Буранова «Развитие гражданских инициатив и общественного контроля на муниципальном уровне. Работа руководителей органов МСУ с населением муниципальных образований по повышению политической и деловой активности» нимо секцилэн ужаз пыриськоз. Лариса Николаевналэн ивортонэз сӥземын муниципал кылдытэтъёсын улӥсь пӧртэм выжыысь калыкъёслэсь кусыпъёссэс юнматонлы.

Съездлэсь ужзэ йылпумъяса, Удмурт Элькунысь муниципал но кун тӧрлык ёзэсъёс ӵошен лэсьтоно ужрадъёссыныз План кутозы.