12-13-тӥ оштолэзе 2018-тӥ аре Удмурт Элькунысь йӧскалык политикая министерство Россия Федерацилэсь йӧскалык политикая 2025-тӥ арозь кутэм Стратегизэ быдэстон вылысь, йӧскалык кусыпъёс удысын пумиськись шуг-секытъёсты но ужпумъёсты быдэстон понна огъя ӧр быръён вылысь, кун но муниципал тӧрлык ёзэсъёслэсь, мерлыко огазеяськонъёслэсь вачеужанзэс радъян вылысь муниципал кылдытэтъёслы «Мир в диалоге» форум ортчытэ.

Форумлэн валтӥсь ужпумъёсыз: экспертно-коммуникативной площадка кылдытон, йоӧскалык политика удысысь азинлыко ӵектосъёсын тодматскон, муниципал кылдытэтъёслэсь тӧрооссылэсь йӧскалык кусыпъёсты юнматон удысын тодон-валанзэс будэтон.

Форум кутскоз пленарной заседаниен, бӧрысь ӧнерчиос нимаз площадкаосын йӧскалык политикаез быдэстон удысысь азинлыко ӵектосъёсты эскерозы. Кенешон площадкаосын вераськонэз нуозы йӧскалык кусыпъёс удысысь тодмо экспертъёс.

Панельной дискуссиослэн темаоссы:

«Муниципал кылдытэтъёсын йӧскалык политика процессъёсын кивалтон»;

«Муниципал кылдытэтъёсын йӧскалык политика удысын огъя ивортодэт пространство кылдытон»;

«Кӧчем калыкъёслэн адоптацизы но интеграцизы»;

«Пӧртэм выжыысь калыкъёслэн вачеужанзы»

«Ичи лыдъем калыкъёслэсь кылзэс утён но азинтон».

13-тӥ оштолэзе Форумлэн ужамезлы йылпумъянъёс лэсьтыса, котырес ӝӧк радъяськоз, кудаз люкам материалъёсты сэрттозы-пертчозы, йӧскалык кусыпъёс удысысь эсэплыко-эрикрадо актъёсы воштонъёс-ватсанъёс пыртон сярысь вераськозы.

Форуме пыриськозы Приволжской федерал округысь но Удмурт Элькунысь муниципал кылдытэтъёсысь кивалтӥсьёс но ӧнерчиос.

Форумлэн программаез (ужрад ортчоз Калыкъёслэн Эшъяськон юртазы):

12-тӥ оштолэзь:

9.00-10.30 – пусйиськон

10.30 – 12.30 – пленарной заседание

12.30 – 17.30 – кенешон площадкаослэн ужзы.

13 апреля

10.00-12.00 – котырес ӝӧк.