24-тӥ толшоре Якшур-Бӧдья черкогуртын Удмуртиысь муниципал кылдытэтъёслэн 11-тӥ съездзы ортчиз. Ужрадэ Удмурт Элькунысь йӧскалык политикая министр Л.Н.Буранова но пыриськиз. Съездын ньыл секциос ужазы. Йӧскалык политикая министр Л.Н. Буранова «Развитие гражданских инициатив и общественного контроля на муниципальном уровне. Работа руководителей органов МСУ с населением муниципальных образований по повышению политической и деловой активности» нимо секцилэн ужаз пыриськиз. Лариса Николаевналэн ивортонэз сӥземын вал муниципал кылдытэтъёсын улӥсь пӧртэм выжыысь калыкъёслэсь кусыпъёссэс юнматонлы. Министр ёросъёсын Калыкъёслэсь эшъяськон юртъёссэс усьтон, сӧзнэт кылдытон сярысь вераз, тодматӥз йӧскалык политика быдэстон удысын пумиськись шуг-секытъёсын.