Удмурт Элькунысь йӧскалык политикая министерство муниципал кылдытэтъёслы калыкъёслэсь кусыпъёссэс но ог-огзэсты валанзэс азинтыны юрттӥсь ӵектосъёссэс быдэстыны субсиди сётон вылысь вожвылъяськон ялэ (азьланяз – Вожвылъяськон). Вожвылъяськонлэн валтӥсь мугез: интыысь кивалтэтлы калык кусыпъёсты радъяны но экстремизмлы, терроризмлы пумит нюръяськыны юрттон.

Ӵектосъёсты улонэ пыӵатыны коньдон висъяське Удмурт Элькунысь «Йӧскалыкъёслэсь мерлыко улонзэс азинтон но кусыпъёссэс юнматон» нимо кун программаез быдэстон улсын. Ужрадлэн кичӧлтӥсьёсыз но радъясьёсыз – Удмурт Элькунысь йӧскалык политикая министерство но Калыкъёслэн Эшъяськон юртсы.

Вазиськон сётыны луэ 2017-тӥ арын 10-тӥ куартолэзьысен 23-тӥ куартолэзёзь таӵе адресъя: 426063, Ижкар к., Орджоникидзе ур., 33 А юрт, Калыкъёслэн Эшъяськон юртсы, 211-тӥ бӧлет., 8.30-ысен -17.00-озь.

Герӟет тодэтъёс:

Удмурт Элькунысь йӧскалык политикая министерство, Ижкар к., Орджоникидзе ур., 33 Б. Нимлыко вотэсбам: www.minnac.ru (3412) 68-78-39 – Васева Вера Васильевна, Удмурт Элькунысь йӧскалык политикая министерствоысь план лэсьтонъя но йӧскалык азинтонъя ёзэтэн кивалтӥсь.

УЭ КВУ «Калыкъёслэн Эшъяськон юртсы», Ижкар к., Орджоникидзе ур. 33 А, Е-mail: ormo_ddn@mail.ru, (3412) 63-10-23 – Н.Б. Шергина, Калыкъёслэн Эшъяськон юртысьтызы ӧнерчи.

Удмурт Элькунысь йоскалык политикая министрлэн приказэз

Вожвылъяськон сярысь Валатэт