Маделэ Удмуртия – вордӥськем шаерды сярысь но пыриськелэ «Данъяськисько!» («Горжусь!») командаосын вожвылъяськонэ.

Быръён этап куинь пӧртэм ужъёслэсь радъямын:

1. Муниципал кылдытэт сярысь презентация

Дасялэ кыӵе ке но ужрад, кудӥз сӥземын луоз муниципал кылдытэтлэн историезлы, лулчеберетэзлы но аспӧртэмлыкезлы (2023-тӥ арлэн 31-тӥ толшорозяз).

Ужез быдэстэм бере, info@pelmenfest.ru почта адресэ отчёт келяно (ужрад сярысь мадёс, ВКонтакте вотэсбаме поттэм туспуктэмъёслэн ссылказы).

 2. «Туспуктон инты» («Фотозона»).

Урамын туспуктон понна дасялэ нимысьтыз инты, кудӥз возьматоз муниципал кылдытэтлэсь аспӧртэмлыксэ (фотозонаез нуыны-вайыны луоно мед луоз; быдӟалаез – 4*4м).

Командаен фотозонаын лэсьтэм туспуктэмез #Горжусь #пельменьфест#домдружбынародовУР мерлыко вотэсбамын нимысьтыз хештегъёсын 6-тӥ тулыспалозь поттоно.

    3. Видео-визитка

Муниципал кылдытэт, кар, гурт, черкогурт яке мукет инты сярысь 10 минутозь лэсьтэм видеороликез ВКонтакте вотэсбамын #Горжусь #пельменьфест#домдружбынародовУР нимысьтыз хештегъёсын 6-тӥ тулыспалозь поттоно.

Котькуд этап понна пыриськисьёс баллъёс басьтылозы. Кинлэн тросгес баллъёсыз, со финаллы матынгес луэ.

Финалэ потэм командаос 11-тӥ тулыспалэ Шор площадьысь фестивальлэн нимысьтыз сцена вылаз асьсэды возьматозы.

Пыр-почгес вотэсбамын: https://pelmenfest.ru/respublikanskij-konkurs-gorzhus