Конкурсэ Росси Федерациысь финн-угор но самоди калыкъёс но пель кылӥсьтэм ӧлексыослэн улос мерлыко огазеяськонъёслэн ёзчиоссы быгатозы пыриськыны.

Конкурс Россиысь финн-угор калыкъёслэн ассоциациенызы ортчытӥське, Йӧскалык ужпумъёсъя федерал агенстволэн юрттэмез улсын.

Вожвылъяськон 3 этапъя радъяське:

1-тӥ этап. 05.07.2022 г. – 12.09.2022 г. – Заявкаосты кутон

2-тӥ этап. 12.09.2022 – 25.09.2022 – Заявкаосты экспертной комиссиен учкон

3-тӥ этап. 25.09.2022 – 30.10.2022 – Вожвылъяськонъя йылпумъянъёс лэсьтон. Книгалэн презентациез.

Вожвылъяськон куинь номинация ортчытӥське:

1. «Родной язык в моей жизни» (анай кыллы аслэсьтыд мылкыддэ но улонын кыӵе инты басьтэмзэ возьматон).

2. «Мой народ» (калык сям-йылолъёсты, сӥё-дано адямиослэсь историе но лулчеберетэ бадӟым ватсэт понэмзэс возьматон).

3. «Народы страны – единая семья» (эшъяськон но йӧскалык кусыпъёсты возён)

Конкурсэ пыриськон понна творческой уж (кылбуръёс, вакчи веросъёс, новеллаос, очеркъёс, эссе) келяно.

Ужъёсты 12-тӥ куарусёнозь 20.00 часозь таӵе адресъёсъя лэзёно:

– электрон почта: afunrf@yandex.ru, гожтэтлэсь темазэ «Наше поколение» шуыса пусъёно;

– Вконтакте: vk.com/afunrf

– WhatsApp +79093255148;

– Viber +79093255148.

Ивортодэт таӵе телефонъя: 8(8342) 23-27-52, 89093255148.

Творческой ужъёс финн-угор, самоди но ӟуч кылэ берыктыса, «Наше поколение» коллективной бичетын поттэмын луозы. Книгаосты Россиысь улосъёсысь лыдӟиськонниосы но бичетэ пырем текстъёслэн авторъёссылы келялозы.

Приложениос:

Форма заявки

Положение о Конкурсе