Кивалтэтэн герӟаськымтэ огазеяськонъёслэн «Евразиысь калыкъёслэн ассамблеязы» калыккуспо кенешсы улонэ пыӵатэ 2023–2024-тӥ аръёсын лулчеберет кичӧлтонъёсъя Президент фондлэн юрттэменыз «Евразилэн узырлыкез: гурт огазеяськонъёс» ӵектосэз, кудӥз 2021-тӥ арысь «Евразилэн узырлыкез: гурт улосвылъёслэн лулчеберет практикаоссы» проектлэн азьланьтонэз луэ.

Ӵектос сӥземын евразийской интыосысь гурт улосвылъёслэсь лулчеберет практикаоссэс вӧлмытонлы, озьы ик лулчеберет узырлыкез утён но азинтон удысын гурт огазеяськонъёслэсь партнёрской герӟетъёссэс паськытатонлы.

Ӵектос лыдэ басьтэ лулчеберет практикая ужрадъёсты, отчы пыриськыны быгато пӧртэм улосвылъёсысь (Кыргызстан, Беларусь, Казахстан, Таджикистан, Узбекистан Элькунъёсысь но Россия Федерациысь) гуртэн герӟаськем 100 интыос. Малпамын 300-лэсь трос азьмынӥсьёслы но улосвыл лидеръёслы туала мерлык ӵектос дасянъя дышетскон ортчытыны. Та форум но очной амалэн стажировка луонлык сётозы евразийской интыосын лулчеберетэз утёнъя сетевой кичӧлтонъёсты кылдытыны.

Грантэз улонэ пыӵатон программа лыдэ басьтэ:

– гурт лулчеберет кичӧлтонъёслы юрттонэз, кудъёсыз калык сям-йылолъёсты, йӧслык аспӧртэмлыкъёсты, калыкъёслэсь лулчеберетсэс утёнлы сӥземын;

– улосвылъёсын лулчеберет мерасэз утён но пӧртэм ёросъёсы но кунъёсы вӧлмытон понна тунсыко амалъёсты утчанэз;

– интыысь азьмынӥсьёслы квалификацизэс ӝутонъя но гуртъёсы этнокультурной ужез пыӵатонын выль амалъёсты дышетонъя юрттэт сётонэз;

– гурт улосвылъёс куспын огъя сетевой площадка лэсьтонэз, улосвыл лидеръёслэсь огазеяськонзэс кылдытонэз, кудъёсыз быгатозы, гуртлэсь лулчеберет узырлыксэ кужмоятыса, солэсь вылтуссэ но пуштроссэ воштыны.

Соин сэрен грант улсын таӵе ужрадъёс ортчытэмын луозы:

1. «Евразилэн узырлыкез» очно-заочной амалэн лулчеберет практикаосъя вожвылъяськон, кудӥз тужгес но ӟечъёссэ уже пыӵатэм кичӧлтонъёсты но малпанъёсты шараяны юрттоз, отын вожвылъяськонэ вань пыриськисьёслы дышетон программа ужаны кутскоз. Та вожвылъяськон луоз ӵектослэн одӥгез валтӥсь люкетэз, кудӥз евразийской интыосысь гурт улосвылъёслэсь трос пӧртэмлыко лулчеберетсэ шараянлы но утёнлы юрттоз.

Вожвылъяськон куинь люкетлэсь луэ:

Нырысетӥ люкет. 2013-тӥ арлэн 1-тӥ коньывуонысеныз 2024-тӥ арлэн 15-тӥ толшорозяз: Вожвылъяськонэ заявкаосты кутон. Заочной амал. Заявкаосты ӵектослэн почтаяз келяно: heritage@eurasia-assembly.org

Кыкетӥ люкет. 2024-тӥ арлэн 1-тӥ тулыспалысеныз 2024-тӥ арысен 29-тӥ тулыспалозяз: 300-лэсь трос пыриськисьёслы дышетскон ужрад ортчытон. 20 ӵектосъёсты быръён – отысь вормисьёс вожвылъяськонлэн полуфиналистъёсыз луозы. Быръён уж вожвылъяськонэз эскерисьёсын заочной амалэн ортчытӥське. Одӥг заявка бордын ӵектосэ одӥг яке кык адями пыриськыны быгатэ.

Куинетӥ люкет. 2024-тӥ арлэн 1-тӥ оштолэзьысеныз 2024-тӥ арлэн 14-тӥ оштолэзёзяз: гурт улосвылъёсысь 10 тужгес но ӟеч лулчеберет ужъёсты быръён, кудӥз ортчоз Москваын кык нунал ӵоже кыстӥськись форумын. Отчы ӧтемын луозы вань полуфиналистъёс (20 быръем ӵектосъёслэн огмуртъёсыз). Очной амалэн.

2. Вормисьёслэн одӥг яке кӧня ке гурт улосвылъёсын стажировказы.
3. Ӵектослэн йылпумъясь люкетэз – евразийской интыосысь гурт улосвылъёслэсь тужгес но ӟеч лулчеберет ужъёссэс интерактив амалэн возьматон, озьы ик методикая дэмланъёсты дасян, куке уже кутӥськозы Еврази калыкъёслэсь лулчеберет узырлыксэс утён удысын гурт улосвылъёсысь тужгес но усто лулчеберет практикаос.

Ӵектос сярысь пыр-поч тодыны быгатӥськоды татын.