Калыкъёслэн Эшъяськон юртысьтызы ужасьёс нылпиослы выжыкыл кузьмазы. Ужрадэ 100-лэсь трос адями пыриськиз.

Со вал Выль арлы сӥзем постановка. Сюжетлэн инъетэз – Снежиника валтӥсь героинялэн, калык выжыкылысь персонажъёслэн, Тол Бабайлэн но Лымыныллэн эшъяськонзы но валче луись путешествизы. Соосын ӵош шулдыръяськонлэн куноосыз шудӥзы, Выль арлы сӥзем кырӟанъёс кырӟазы но кылбуръёс веразы, ческыт кузьымъёс октӥзы!

Йӧскалык-лулчеберетъя но вӧсьбур огазеяськонъёслэн азьветлӥсьёссы  но озьы ик нимысьтыз ожгаре пыриськисьёслы но соослэн семьяоссылы юрттэт лэсьто. Соос гуманитар юрттэт, йӧскалык синпелетъёс, нылпиослэсь гожтэтъёссэс келялляло.