Удмурт Элькунысь таджикъёслэн«Ориён-Тадж» нимо мерлыко огазеяськонзы (кивалтӥсез Мирзо Умаров) Ижкарысь нылпи юртысь но быдэ вуымтэослы мерлыко йӧназъянъя центрысь пиналъёслы юрттэт сётонъя акции радъязы. Огазеяськонлэн ёзчиосыз пиналъёсты таджик калыкен тодматӥзы, солэн сям-йылолъёсыз сярысь веразы. Нош пиналъёс куноослы концерт дасяллям. Ужрадэз йылпумъяса, мерлыко огазеяськон котькуд пиналлы спортэн вырон дӥсь но пыдкутчан кузьмаз.

«Таӵе акциос, мынам малпамея, пиналъёсты сюлмо, вӧзысь адямиосты гажась, юрттыны тыршись луны дышето. Пиналъёс тодыны кулэ, кыӵе выжыысь адямиос соос вӧзын уло. Йӧслыкен герӟаськем юан – кунмылэн кышкыттэмлыкез, – вера мерлыко огазеяськонлэн кивалтӥсез Мирзо Умаров. – Таӵе акциос озьы ик ог-огмылы матэгес луыны, пиналъёслы соос бадӟым кунмылэн кунмуртъёсыз луо шуыса валаны юртто».