Фестивале лыктэм куноос ческыт пельнянь сиизы, «По следам Ижика» квестэ, PelmenRun бызёнъя но «Ӵужонбол» ӵошатсконъёсы пыриськизы, «Пельняньлэсь салам!» келязы. Вазь ӵукнаысен ик чорыганы яратӥсьёс «Шудо визнан» йӧ вылысен мормышкаен чорыганъя чемпионатэ пыриськизы. «Металлург» лулчеберетъя юртын хэнд-мейд амалэн лэсьтӥськонъя усточиослэн киужъёсынызы вузкарон азбар но мастер-классъёс радъяськизы. Со сяна, быдэс нунал ужазы нылпиослы мастер-классъёсын но шудонъёсын, перепечъёсын но табаньёсын площадкаос. Валтӥсь сцена вылын йылпумъянъёс лэсьтэмын вал, асьсэды яркыт возьматӥзы егит кырӟасьёс но диджейёс.

Таин сэрен, эшъёс, лыдпусъёсты пусъёмы:

• 11 тонна пельнянь;
• 40 сюрс Пельнянлы сӥзем арняе но фестивале пыриськисьёс;
• 330 бызьылӥсьёс – PelmenRun-ын 3-ысен 69 аресозь;
• 50 килограмм пельнянь – шудо Артём Логиновлы, Ижкарысь 8-тӥ номеро школаысь дышетскисьлы;
• Элькунысь 25 команда Ӵужонбол ӵошатсконын;
• 135 команда «По следам Ижика» квестын;
• Быдэс Россие пельняньлэсь 4000 салам: Владивостокысен Калининградозь, озьы ик Узбекистанэ, Сингапуре но Германие!
• Куноос – 10 улосвылъёсысь.

Нош ик Пельняньлэн Дорез нимез утьыны быгатӥм!
Фестивальын вань сием пельняньёс шудоесь мед луозы!