16-тӥ куарусёнэ Воткарын, П.И. Чайковскийлэн музей-юртаз, ортчоз ӟуч калык праздник «Осенины». Котьку сямен ик ужрадэ пӧртэм ёросъёсын улӥсьёс пыриськозы. Осенины – вашкалы ӟуч праздник, кудӥз сӥземын гужемез келянлы, сӥзьылэз пумитанлы. Ужрадъясьёслэн ивортэмзыя, нылпиослы но арлыдоослы 10-лэсь ятыр площадкаос ужалозы. Татын тодматскыны луоз ӟуч калыклэн сям-йылолъёсыныз, калык шудонъёсын но ӵошатсконъёсын, кырӟан-эктонъёсын. Шулдыр мылкыд люкаськем калыклы кузьмалозы элькунмылэн ёросъёсысьтыз лыктэм коллективъёс.

Шулдыръяськонлэн программаез