9-14-тӥ тулыспалэ Ижкарын радъяськоз «Всемирный день пельменя (Пельняньлэн нуналэз)» фестиваль. Сӥземын со, валамон ини, Удмуртилэн самой ческыт брендэзлы – пельняньлы.

Фестиваль улсын ортчозы пӧртэм пумо ужрадъёс но акциос. «Пельменный съест» ужрадын йӧскалык сиёнъёсъя вожвылъяськон ортчоз. Пӧраськон шоуэз шулдыртозы но муромытозы анимаци возьматонъёс, соос адӟытозы пӧртэм калыкъёлэсь пельнянен герӟаськем йылолъёссэс. Фестивале пыриськисьёс но куноос командаослэсь ужзэс дунъялозы малпанъёссэс нимысьтыз «пельнянь бюллетене» пусйыса.

Нырысьсэ шор площаде пельнянь лэсьтӥсь ужъюртъёс люкаськозы. Котькуд мылкыд карись адями веръяны быгатоз компаниосын кутэм пельнянез.

Фестиваль улсын ик нылпиослы но вожвылъяськон ялэмын. Пиналъёс вуоно арын ортчоно фестивальлы пус (символ) кылдытон бордын тыршо. Та вожвылъяськонын вормисьёсты Фестивале пыриськисьёс но лыктэм куноос быръёзы.

«Счастливый пельмень (Шудо пельнянь)» – акцие пыриськыны луонлыкез вань котькуд лыктэм кунолэн. Со понна басьтоно пельнянь, нош пельнянь понна лоторейной билет сётозы. Бӧрысь та билетъёсын кузьымъёс утыны луоз.

Площадьын, калык шулдыръяськон вакытэ, ужалозы эктонъя мастер-класс, йӧскалык шудонъёсын площадка.

Пичи дырез тодэ вайытоз лымыен лэзяськыса шудон. Татын кужымез эскерон понна куинь адямилэсь команда кылдытоно луоз.

Озьы ик лыктэм куноос лэсьтыны быгатозы асьсэлы синпелет, дышыны кыӵе ке но выль киужлы, угось «Металлург» лулчеберетъя юрт ӧзын «ӧнеръёсъя удмурт ярмарка» ужалоз, кибашлыос асьсэлэн онеръёссылы мылкыд карисьёсты дышетозы.

Калык шулдыръяськон йылпумъяськоз концертэн.

Та бадӟым ӵектос улсын «Сделано в Удмуртии (Удмуртиын лэсьтэмын)» инстаграм флэшмоб ортчоз. Мерлыко вотэсбамъёсын #всемирныйденьпельменя и #пельменьфест хэштэгъёсъя учкыны луэ кызьы мынэ фестивале дасяськон, озьы ик вотэсбаме туспуктэмъёстэс келяны луэ.

Удмуртия – пельняньлэн вордӥськем шаерез! Та шулдыръяськон юнматоз сое. «Всемирный день пельменей (Пельняньлэн нуналэз)» та ческыт сиёнлы гимн луоз но одӥг ӝӧк сьӧры быдэс дуннеысь пельнянез яратисьёсты люкалоз!

Фестивальлэн валтӥсь радъясез Удмурт Элькунысь йӧскалык политикая министерство луэ. Ужрад «Укрепление единства российской нации и этнокультурное развитие народов России (2014−2020 годы)» федерал программа улсын ортче. Фестивалез быдэстыны юртто «8 человек» нимо компания, «Город Ижевск» муниципал кылдытэтлэн Администрациез, Удмурт Элькунысь промышленностья но вузкаронъя министерство, Удмурт Элькунысь мугор лулчеберетъя, спортъя но егитъёсын ужан политикая министерство.

Герӟетъёс:

САЙТ: ПЕЛЬМЕНЬФЕСТ.РФ/PELMENFEST.RU

ПОЧТА: INFO@PELMENFEST.RU

ХЭШТЕГЪЁС #ВСЕМИРНЫЙДЕНЬПЕЛЬМЕНЯ #ПЕЛЬМЕНЬФЕСТ #ПЕЛЬНЯНЬ #ЕМПЕЛЬМЕНИ (СЧЕТЧИК ПЕЛЬМЕНЕЙ)

Мерлыко вотэсбамъёсын группаос:

ВК https://vk.com/pelmenfest

ФБ https://www.facebook.com/pages/Фестиваль-Всемирный-де..

Твиттер https://twitter.com/pelmenfest

ОК https://ok.ru/group/52567740973140

Туспуктэмъёс: vk.com/pelmenfestӥӥ