17-19-тӥ шуркынмонэ Воронежын Огъя Россиысь «Маршрут года 2016» туризм премилэн финалэз ортчиз.

Финалэ Россиысь 39 улосъёсысь 138 ӵектосъёс потӥзы. Соос пӧлысь «Лучший событийный тур» номинациын тужгес но умоез луиз элькунысьтымы «ПЕЛЬМЕННЫЙ УИКЕНД» нимо маршрут. Тур радъямын вал 2016-тӥ арын Пельняньлэн нуналэзлы сӥзем фестиваль улсын.

Та маршрутын туристъёс Ижкарысь чебер но тодмо интыосын тодматско, архитектурая но этнографияя «Лудорвай» музей-заповеднике вуыло, Пельняньлы сӥзем фестивале пырисько, Брангуртысь тодмо песянайёсын пумисько. Маршрутлэн валтӥсь малпанэз – туристэз пельнянь, калык сиён-юон пыр удмуртъёслэн улон-вылонэнызы, дунне шоры учконэнызы тодматон.Ӵапак та малпан ик огазея сое Пельняньлэн нуналэныз но. Со вакытэ ик турмаршрут нимаз ужрад луэ, кудаз туж быгатыса пӧлэстэмын калык лулчеберетэн тодматон.

Проектлы вормисе потыны юрттӥз «Удмуртия – регион лидер» элькун вожвылъяськонлэн «Туризм: перспективные туристические маршруты Удмуртской Республики» номинациезлэн тужгес но устоез видеовозьматонэз (https://www.youtube.com/watch?v=sUn8JY-NV2k ).

Шутэтскон нуналъёсы пельнянен тодматон программаез малпаз но радъяз «Открывая Удмуртию» экскурсиосъя центр. Центрлэн ӧнерчиосыз нимысьтыз тау каро Россифя Федерацилэн Кун Думаысьтыз депутатэзлы А.Е. Загребинлы юрттэмез понна.

Турпремилэн мукет вормисьёсыныз тодматскыны луэ татын: https://www.2r.ru/rtta/routes_list/view/118