22-тӥ коньывуонэ Тольяттиын Огъя Россиысь «Маршрут года» туризм премиез басьтӥсьёсэн нимъёссы тодмо луизы. «Лучший событийный тур» номинациын вормисе потӥз элькунысьтымы «ПЕЛЬМЕННЫЙ УИКЕНД» нимо маршрут. Тур радъямын вал 2016-тӥ арын Пельнянлэн нуналэзлы сӥзем фестиваль улсын.

Та маршрутын туристъёс Ижкарысь чебер но тодмо интыосын тодматско, архитектурая но этнографияя «Лудорвай» музей-заповеднике вуыло, Пельнянлы сӥзем фестивале пырисько, Брангуртысь тодмо песянайёсын пумисько. Маршрутлэн валтӥсь малпанэз – туристэз пельнянь, калык сиён-юон пыр удмуртъёслэн улон-вылонэнызы, дунне шоры учконэнызы тодматон.Ӵапак та малпан ик огазея сое Пельняньлэн нуналэныз но. Со вакытэ ик турмаршрут нимаз ужрад луэ, кудаз туж быгатыса пӧлэстэмын калык лулчеберетэн тодматон.

Проектлы вормисе потыны юрттӥз «Удмуртия – регион лидер» элькун вожвылъяськонлэн «Туризм: перспективные туристические маршруты Удмуртской Республики» номинациезлэн тужгес но устоез видеовозьматонэз (https://www.youtube.com/watch?v=sUn8JY-NV2k ).

Шутэтскон нуналъёсы пельнянен тодматон программаез малпаз но радъяз «Открывая Удмуртию» экскурсиосъя центр. Али ӧнерчиос вуоно арлы программа дасян бордын ужало.

Турпремилэн мукет вормисьёсыныз тодматскыны луэ татын: https://www.2r.ru/rtta/routes_list/view/118