13-тӥ тулыспалэ Ижкарын «Пельнянь нунал» фестиваль радъяськиз. Эскерисьёс таӵе лыдпусъёс сёто: ужрадэ пыриськизы 32 000 адями, 5 тонналэсь ятыр пельнянь сиемын.

Нырысетӥ Пельнян шудонъёслэсь тылзэ сӥё-дано ӝуатӥзы Джон Уоррен, «Поедем, поедим» (НТВ телеканал) передачалэн нуисез, но Лариса Николаевна Буранова, Удмурт Элькунысь йӧскалык политикая министр.

Нырысетӥ пельнянь шудонъёс улсын радъямын вал: хоккей, пельменный керлинг, пельментон но трос мукет шудонъёс.14 семья шудыны мылкыд кариз. Вормисе потӥз Ува ёросысь Кудрявцевъёслэн семьязы.

Фестивальлэн аспӧртэмылыкез но узырлыкез – пӧртэм калыкъёслэн сямъёссылэн пӧлэстӥськемзы. Удмурт пельнянь сяна, татын люкамын вал пӧртэм калыкъёслэн пельнянь выллем сиёнъёссы: немецъёслэн маульташензы, китайёслэн цзяоцззы, поръёслэн подкогыльозы, украинъёслэн варениксы, узбекъёслэн чучваразы, бигеръёслэн мантызы, армянъёслэн боракизы и хинкализы. Та ческыт сиёнъёсты 13 кафеосысь басьтыны луэ вал.

Нылпиос понна ужаз нимысьтыз площадка – «Шудон корак», анай-атайёслы – дизайн-маркет «Современные этномир». Татын тодматӥзы валтӥсь дизайнеръёслэн диськутэнызы, кибашлыослэн киужъёсынызы, суредасьёслэн ужъёсынызы.

Фестивале аслаз пельняненыз элькунысьтымы но мукет улосъёсысь 21 предприятие пыриськиз.

«Зарни пельнянь» премиез басьтзы:

«Тужгес но усто ресторан» номинациын вормисе потӥз «Горячий пельмень» кафе;

«Калык бренд» номинациын устоез луиз «Царь-рыба», Сарапул к.;

«Пельнянь дасясьёс» номинациен пусъемын:

1) Кунян сӥльлэсь тужгес но ческыт пельнянь – Эграысь мясокомбинат;

2) Тужгес ческыт крестьян пельнянь – «Годекшурский продукт» вузкарон пус;

3) Тужгес но ческыт «дорын кадь» пельнянь – «Чутырские пельмени» вузкарон пус. .

Быдэс нунал Фестивальын ужазы «Поедем, поедим» (НТВ) программаез дасясьёс. Пельняньлы сӥзем паймымон фестиваль сярысь передачаез учкыны луоз 27-тӥ тулыспалэ НТВ каналын.