1-тӥ толсуре ужзэ мытӥз «Пельнянь нунал» фестивальлэсь 2017-тӥ арлы синпелетсэ кылдытонлы сӥзем элькун вожвылъяськон.

Ужрадэ пыриськыны луоз турлы материалъёслэсь пӧртэм амалъёсын лэсьтэм киужъёсын. Валтӥсез курон – киуж герӟаськемын мед луоз фестивальлэн элементъёсыз, пельнянен но удмурт лулчеберетэн. Вожвылъяськонэ пыриськем ужъёс синпелетъёсын онлайн-каталоге пырозы. Нош Фестивальлэн нуналаз, 2017-тӥ арын 11-тӥ тулыспалэ, калык соосты адӟоз Ижкарысь шор площадьын.

Вожвылъяськон кыстиськоз 2016-тӥ арлэн 1-тӥ толсурысеныз 2017-тӥ арлэн 31-тӥ толшорозяз. Вормисез быръёз калык, со понна куарасётон радъямын луоз.

Ужрадэ пыриськон понна ВКонтакте группаын яке фестивальлэн нимлыко вотэсбамаз интыям вожвылъяськонлэн Валатэтэныз тодматсконо, info@pelmenfest.ru электрон почтае заявка келяно, ужъёстэс милемлы ыстоно.